పుస్తక సమీక్ష

మనిషి పరిపూర్ణత్వాన్ని సాధించడానికి దారి చూపే ఆచరణే- నైతికత. మనిషి నైతికతపై అతని గొప్పతనం ఆధారపడి ఉంటుంది. జ్ఞానర్జనతో నైతిక విలువలు అలవడుతాయి. ‘ఇస్లాం నైతిక స్పృహ’ పుస్తకం మనకు అలాంటి జ్ఞానాన్ని అందిస్తుంది.

December 1, 2024 / 02:11 AM IST

నైతిక విలువలకు మార్గదర్శి

మనిషి పరిపూర్ణత్వాన్ని సాధించడానికి దారి చూపే ఆచరణే- నైతికత. మనిషి నైతికతపై అతని గొప్పతనం ఆధారపడి ఉంటుంది. జ్ఞానర్జనతో నైతిక విలువలు అలవడుతాయి. ‘ఇస్లాం నైతిక స్పృహ’ పుస్తకం మనకు అలాంటి జ్ఞానాన్ని అందిస్తుంది. ఇస్లాం ధర్మంలోని, ఖురాన్‌లోని నైతిక ఆదేశాలను, బోధనలను ఇందులో చక్కగా వివరించారు రచయిత. ఆర్థిక సంయమనం ప్రతి మనిషికి చాలా అవసరమని, ఎవరినీ అతిగా అనుమానించకూడదని ఇస్లాం బోధ.

ఇతరులపై కారణం లేకుండా నిందలు వేయకూడదని, వారి గురించి చెడుగా మాట్లాడకూడదని ఇస్లాం మర్యాద నేర్పిస్తుంది. అనాథలు, నిరుపేదలు, యాచకుల పట్ల దయతో వ్యవహరించడం మనిషి నైతికతలో భాగమని వివరిస్తుంది. అరిషడ్వర్గాలను జయించడంలోనే జీవిత రహస్యం దాగి ఉందని వెల్లడిస్తుంది. మన కర్మలకు మనం జవాబుదారీగా ఉండాలని… నైతికతకు బలమైన పునాది అయిన ధైర్యాన్ని జీవితంలో ఎప్పుడూ కోల్పోకూడదని గుర్తు చేస్తుంది. లోక కల్యాణమే ఇస్లాం లక్ష్యమని, అందుకు మనుషులు ఎలాంటి నైతిక ప్రవర్తన కలిగి ఉండాలో ఈ పుస్తకం చక్కగా వివరిస్తుంది.