80 వేల ఉద్యోగాల భర్తీకి ప్రభుత్వం గ్రీన్ సిగ్నల్ ఇచ్చింది. ఇందులో భాగంగా TSPSC త్వరలో గ్రూప్ 2, గ్రూప్ 3 నోటిఫికేషన్లు విడుదల చేయబోతుంది. వీటిలో ఎకానమీ వంటి ప్రధాన సబ్జెక్టులో మంచి మార్కులు పొందడానికి అభ్యర్థులు కొన్ని ముఖ్యమైన సూచనలు, టెక్నిక్లను అనుసరించవలసి ఉంటుంది. అధిక మార్కులు తెచ్చుకునే సబ్జెక్టుల్లో ఎకానమీ ఒకటి. దీనికి సంబంధించి ప్రిపరేషన్ ప్లాన్..
మొదటి సెక్షన్: భారతీయ ఆర్థిక వ్యవస్థ, సమస్యలు, సవాళ్లు
రెండో సెక్షన్: తెలంగాణ ఆర్థిక వ్యవస్థ, అభివృద్ధి
మూడో సెక్షన్ అభివృద్ధి, మార్పు, సమస్యలు
రిఫరెన్స్ పుస్తకాలు..
నా క్లాస్ నోట్స్ గ్రూప్-2 ,గ్రూప్- 3 పరీక్షలకు సంబంధించిన మూడు విభాగాల సమాచారాన్ని అందిస్తుంది. ప్రతి అంశాన్ని ప్రత్యేకంగా వివిధ కేస్ స్టడీస్తో , ఇటీవలి సర్వే నుంచి డేటా, రోజువారీ కరెంట్ అఫైర్స్, హోంమంత్రిత్వ శాఖ, పట్టణ వ్యవహారాల మంత్రిత్వ శాఖ, గణాంకాలు, కార్యక్రమాల అమలు మంత్రిత్వ శాఖ, లేబర్ బ్యూరో వంటి శాఖలు విడుదల చేసిన భారత ప్రభుత్వ సమాచారం గణాంకాలతో సహా క్లుప్తంగా, క్విక్ రివిజన్కు అనుకూలంగా ఉండేందుకు నోట్స్ రాసుకున్నాను.
NCERTS: ఇండియన్ ఎకనామిక్ డెవలప్మెంట్ పుస్తకం (Class 11), మైక్రో , మాక్రో ఎకనామిక్స్ పుస్తకం (Class 11), భారత, తెలంగాణ ఆర్థిక వ్యవస్థకు సంబంధించిన తెలుగు అకాడమీ పుస్తకాలు..
మాదిరి ప్రశ్నలు
1. ఇటీవల కొవిడ్ దృష్ట్యా కింది వాటిలో ఏ రికవరీ మోడల్ వ్యక్తుల ఆదాయ స్థాయిల్లో విస్తృతమైన అసమానతలను చూపింది?
A) L ఆకారం B) V ఆకారం
C) K ఆకారం D) Z ఆకారం
2. దేశ ఆర్థిక వ్యవస్థ ద్రవ్యోల్బణ పరిస్థితులలో ఉన్నప్పుడు
1) ప్రణాళికలు మరియు సబ్సిడీల రూపంలో ప్రభుత్వం ఖర్చులు చేస్తుంది.
2) ఎగుమతులు తగ్గించాలి
3) భారత ప్రభుత్వ ఉద్దీపన చర్యలు
సరైన ప్రకటనలను గుర్తించండి
A) 1 మరియు 2 మాత్రమే
B) కేవలం 2
C) కేవలం 3 D) పైవన్నీ
3. కింది వాటిలో ఏది పరిమాణాత్మక సాధనాల్లో భాగంగా పరిగణించబడదు?
1) బ్యాంక్ రేటు
2) రెపో రేటు
3) ప్రాధాన్యతా రంగ రుణాలు
4) పైవన్నీ
4. ప్రాథమిక లోటుకు సంబంధించి కింది వాటిలో సరైనది ఏది
A) ఇది ప్రస్తుత ప్రభుత్వ పనితీరును స్పష్టంగా చూపుతోంది.
B) ఇది గత ప్రభుత్వ పనితీరును స్పష్టంగా చూపిస్తుంది.
C) ఇది వడ్డీ చెల్లింపులను కలిగి ఉంటుంది. D) పైవన్నీ