Polytechnic Students | జీవో 97 రద్దు చేసేదాకా పరీక్షలు రాయం.. పాలిటెక్నిక్ విద్యార్థుల అల్టిమేటం

Polytechnic Students | ప్రభుత్వ పాలిటెక్నిక్ కళాశాలల విద్యార్థుల భవిష్యత్తుపై ప్రభావం చూపుతున్న జీవో 97ను రద్దు చేసే వరకు తాము పరీక్షలు రాసేది లేదని డిమాండ్ చేస్తూ గోమారం ప్రభుత్వ పాలిటెక్నిక్ కళాశాల విద్యార్థులు ఆందోళన చేశారు.

Polytechnic Students | శివ్వంపేట, సెప్టెంబర్ 17 : కాంగ్రెస్ ప్రభుత్వం తమ భవిష్యత్‌ను అంధకారంలో నెట్టేసేలా తీసుకొచ్చిన జీవో 97కు వ్యతిరేకంగా పాలిటెక్నిక్‌ విద్యార్థులు ఇప్పటికే రాష్ట్రవ్యాప్తంగా ఆందోళనలు కొనసాగిస్తున్నారని తెలిసిందే. రేవంత్‌ సర్కార్‌ తీరుకు నిరసనగా రోడ్డెక్కి ఆందోళన బాట పట్టారు. ప్రభుత్వ పాలిటెక్నిక్ కళాశాలల విద్యార్థుల భవిష్యత్తుపై ప్రభావం చూపుతున్న జీవో 97ను రద్దు చేసే వరకు తాము పరీక్షలు రాసేది లేదని డిమాండ్ చేస్తూ గోమారం ప్రభుత్వ పాలిటెక్నిక్ కళాశాల విద్యార్థులు ఆందోళన చేశారు.

ఈ సందర్భంగా విద్యార్థులు మాట్లాడుతూ.. ఈ నెల 18 నుంచి జరగనున్న మిడ్‌ పరీక్షలను బహిష్కరిస్తున్నట్లు ప్రకటించారు. ఈ మేరకు కళాశాల ప్రిన్సిపాల్‌కు విద్యార్థులంతా సంతకాలతో కూడిన లేఖను అందజేశారు. తమ డిమాండ్లు పరిష్కరించే వరకు పరీక్షలు రాసేది లేదని స్పష్టం చేశారు. ఇది ఒక్క గోమారం కళాశాలకే పరిమితమైన సమస్య కాదని, రాష్ట్రంలోని అన్ని ప్రభుత్వ పాలిటెక్నిక్ కళాశాలల విద్యార్థులు జీవో 97 రద్దు కోసం నిరసన చేపడుతున్నారని తెలిపారు.

విద్యార్థుల భవిష్యత్తును దృష్టిలో పెట్టుకుని ప్రభుత్వం వెంటనే స్పందించి జీవో 97ను రద్దు చేయాలని డిమాండ్ చేశారు. ఈ కార్యక్రమంలో విద్యార్థులు పాల్గొన్నారు.

 

Read Also ;

Ind vs US | ర‌ష్యా చ‌మురు కొన‌వ‌ద్ద‌ని అమెరికా అల్టిమేటం.. తీవ్రంగా స్పందించిన భార‌త్‌..!

KTR | 25 ఏండ్ల కింద ఇచ్చిన తోట ఆగయ్య భూమిని రేవంత్‌ రెడ్డి గుంజుకున్నడు : కేటీఆర్

Sircilla| అసెంబ్లీలో సీఎం రేవంత్ రెడ్డి పచ్చి అబద్ధాలు మాట్లాడారు.. బీఆర్‌ఎస్‌ సిరిసిల్ల జిల్లా అధ్యక్షుడు తోట ఆగయ్య