Children Stories | ఒకసారి బీరుబల్ మీద అకుబర్ పాదుషాకు కోపమచ్చింది. అచ్చిందెన్కనే.. “నువ్వు నా కండ్లకు కనవడకుంట వో!” అంట హుకుం జారీ జేశిండు. ‘సరే అయితెమాయె! నాకు ఇల్వ లేనికాడ నేనెందుకు ఉండాలె’ అనుకొని, తట్టబుట్ట – ముల్లె మూట సదురుకొని, దూరంగున్న ఒక పల్లెటూరుకు మకాం మార్శిండు బీరుబల్. ఆడ ఎవ్వలు కూనం బట్టకుంట ఏషం, పేరు.. రొండు మార్సుకుని ఎవుసం జేయవట్టిండు. కొన్ని దినాలు గాంగనే బీరుబల్ లేకుంటె ఎట్లుంటదో తెలిసి.. అకుబర్ పాదుషా పొద్దువోక తాయిమాయి అయిండు. దర్బారుల ఆళ్లకూ- ఈళ్లకూ బీరుబల్ యాడున్నడో దొరుకవట్టుమంట జెప్పిండు. ఆళ్లు రాజ్యం అన్ని మూలల్ల తిరిగచ్చిండ్లు. ఎవలకు బీరుబల్ జాడ దెలువలే గదా.. ఏగులకు గూడ దొరుకలే!
బీరుబల్ను ఎట్ల వట్టుకోవాల్నో అకుబర్కు ఎరికే! ఎంటనే దండోరా ఏశెటోళ్లను విలిశి.. ఆళ్లకు ఒక ఖాళీ కుండ ఇచ్చి.. “ఈ కుండనిండ తెలివి నింపి తెచ్చినోళ్లకు ఇనామిత్త!” అంట దండోరా ఏయించిండు. బీరుబల్ ఉన్న ఊర్లెగూడ గిట్లనే దండోరా ఏశిండ్లు. గది ఇన్న బీరుబల్ ఎంటనే కర్బూజ ఇత్తునాలు దెచ్చి అలికిండు. ఏనుకొని పిందెలు ఏయంగనే.. ఒక పిందెను మెల్లంగ ఖాళీ కుండల వెట్టిండు. కొన్ని దినాలు కాంగనే.. కర్బూజ కాయ కుండ నిండుగ వెరిగింది. ఆ కాయను తీగకెల్లి దెంపి, దర్బారుకు వంపిండు. ‘కుండలకెల్లి కాయను అవుతల్కి దీస్తే.. కుండ నిండ నింపిన తెలివి గనవడ్తది’ అంట శిట్టి గూడ రాశి అంటేశిండు. అది సదివిన అకుబర్.. “ఇది వంపింది బీరుబలే!” అంట మంత్రులకు జెప్పి, ఆళ్లను గా ఊరికి వంపిండు. బీరుబల్ను విలిపిచ్చిండు. అటెన్క ఎప్పటోలెనే ఇద్దరూ కలిశిమెలిశి ఉన్నరుల్లా!
– పత్తిపాక మోహన్
Children Stories | తెలివైనోడికి పెద్దపులి ఎదురొస్తే.. ఉరికిచ్చి ఉరికిచ్చి సచ్చేటట్టు చేసిండు
Children Stories | ఎవలైతేంది అని మేకపిల్లను ఆంబుక్క పెట్టిన పెద్దపులి కథ ఇదీ!
Children Stories | తన పిల్లలను తింటున్న పాము ఆట కట్టించిన కాకి కథ