Gukesh D | భార‌త చెస్ దిగ్గ‌జం రికార్డు బ‌ద్ధ‌లు.. నంబ‌ర్ 1 ర్యాంక్ ద‌క్కించుకున్న యంగ్ గ్రాండ్‌మాస్ట‌ర్

Gukesh D : ప‌దిహేడేళ్ల భార‌త కుర్రాడు దొమ్మ‌రాజు గుకేశ్‌(Dommaraju Gukesh) సంచ‌ల‌నం సృష్టించాడు. అత్య‌ధిక ఫిడే రేటింగ్స్‌ (FIDE Ratings)తో చెస్ దిగ్గ‌జం విశ్వ‌నాథన్ ఆనంద్(Viswanathan Anand) 36 ఏళ్ల‌ రికార్డు బ‌ద్ద‌లు కొట్టాడు. మ‌న దేశంలోనే నంబ‌ర్ 1 చెస్ ప్లేయ‌ర్‌గా అవ‌త‌రించాడు. వ‌ర‌ల్డ్ క‌ప్‌లో భాగంగా అజ‌ర్‌బైజాన్‌కు చెందిన..

Gukesh D : ప‌దిహేడేళ్ల భార‌త కుర్రాడు దొమ్మ‌రాజు గుకేశ్‌(Dommaraju Gukesh) సంచ‌ల‌నం సృష్టించాడు. అత్య‌ధిక ఫిడే రేటింగ్స్‌ (FIDE Ratings)తో చెస్ దిగ్గ‌జం విశ్వ‌నాథన్ ఆనంద్(Viswanathan Anand) 36 ఏళ్ల‌ రికార్డు బ‌ద్ద‌లు కొట్టాడు. మ‌న దేశంలోనే నంబ‌ర్ 1 చెస్ ప్లేయ‌ర్‌గా అవ‌త‌రించాడు. 1987 జ‌న‌వ‌రిలో ఆనంద్ 2,754.0 పాయింట్ల‌తో నంబ‌ర్ 1 చెస్ ఆట‌గాడిగా రికార్డు నెల‌కొల్పాడు. వ‌ర‌ల్డ్ క‌ప్‌లో భాగంగా అజ‌ర్‌బైజాన్‌కు చెందిన ఇస్కంద‌రోవ్‌(Iskandarov)ను ఓడించిన గుకేశ్ 2,755.9 పాయిట్లు సాధించి ఆనంద్ రికార్డు బ్రేక్ చేశాడు.

‘ఈరోజు అద్భుత విజ‌యంతో గుకేశ్ లైవ్ రేటింగ్స్‌లో దిగ్గ‌జ ఆట‌గాడు విశ్వ‌నాథ‌న్ ఆనంద్ రికార్డు బ్రేక్ చేశాడు. ఫిడే రేటింగ్ జాబితా విడుద‌ల కావడానికి మ‌రో నెల స‌మ‌యం ఉంది. అయితే.. 17 ఏళ్ల గుకేశ్ త్వ‌ర‌లోనే అత్య‌ధిక రేటింగ్ పాయింట్లు ఉన్న భార‌త ఆట‌గాడిగా టాప్ -10లో చోటు ద‌క్కించుకుంటాడు’ అని అంత‌ర్జాతీయ చెస్ స‌మాఖ్య(International Chess Federation)ట్విట్ట‌ర్‌లో తెలిపింది.

Gukesh D won again today and has overcome Viswanathan Anand in live rating!

There is still almost a month till next official FIDE rating list on September 1, but it’s highly likely that 17-year-old will be making it to top 10 in the world as the highest-rated Indian player!… pic.twitter.com/n3I2JPLOJQ

— International Chess Federation (@FIDE_chess) August 3, 2023

12 ఏళ్ల వ‌య‌సులోనే..

చెన్నైకి చెందిన గుకేశ్‌కు ఏడేళ్ల వ‌య‌సు నుంచి చెస్ ఆడ‌డం మొద‌లెట్టాడు. అప్ప‌టికే చాంపియ‌న్‌గా ఉన్న‌ ఆనంద్‌ను త‌న ఆరాధ్య ఆట‌గాడిగా భావించాడు. చెస్‌లో గుకేశ్ ప్ర‌భంజ‌నం 12 ఏళ్ల వ‌య‌సులోనే ఆరంభ‌మైంది. అవును.. ప‌న్నెండేళ్ల‌కే అత‌ను గ్రాండ్ మాస్ట‌ర్‌గా ఎదిగాడు. ఆ త‌ర్వాత గుకేశ్ మ‌రిన్ని సంచల‌న విజ‌యాలు న‌మోదు చేశాడు.

డి గుకేశ్‌, మాగ్న‌స్ కార్ల్‌స‌న్‌

ఈ యంగ్‌స్ట‌ర్ నిరుడు వ‌ర‌ల్డ్ చాంపియ‌న్ నార్వేకు చెందిన‌ మాగ్న‌స్ కార్ల్‌స‌న్‌(Magnus Carlsen)ను ఓడించాడు. దాంతో, కార్ల్‌స‌న్‌పై గెలుపొందిన అతి చిన్న వ‌య‌స్కుడిగా రికార్డు సాధించాడు. ప్ర‌స్తుతం గుకేశ్ చెన్నైలోని వెల‌మ్మ‌ల్ విద్యాల‌య‌(Velammal Vidyalaya)లో చ‌దువుతున్నాడు.

ఇవి కూడా చ‌ద‌వండి

Virat Kohli | కోహ్లీ కెప్టెన్సీ అట్లుంట‌ది.. స్టార్ ఆట‌గాళ్ల‌ను కూడా పక్కన పెట్టేశాడు!

Andy Flower: ఆర్సీబీ కొత్త కోచ్‌గా జింబాబ్వే మాజీ క్రికెట‌ర్‌