Vinesh Phogat : కామన్వెల్త్, ఆసియా క్రీడల్లో పతకాలతో మెరిసిన భారత స్టార్ రెజ్లర్ వినేష్ ఫోగట్(Vinesh Phogat) తన పవర్ చూపించింది. ఆసియా ఒలింపిక్స్ క్వాలిఫయర్(Asian Olympics Qualifier)లో ఉడుం పట్టుతో చెలరేగి ప్యారిస్ ఒలింపిక్స్(Paris Olympics 2024) బెర్తు దక్కించుకుంది. 50 కిలోల విభాగంలో ఆమె విశ్వక్రీడలకు క్వాలిపై అయింది. దాంతో, వరుసగా మూడోసారి ఒలింపిక్స్ బెర్తు దక్కించుకున్న భారత మహిళా రెజ్లర్గా చరిత్ర సృష్టించింది.
శనివారం జరిగిన పోటీలో కజకిస్థాన్కు చెందిన లారా గనికిజీని ఫోగట్ చిత్తుగా ఓడించింది. సాంకేతికంగా లారాపై పైచేయి సాధించి 10-0తో గెలుపొంది విశ్వక్రీడలకు అర్హత సాధించింది. తర్వాతి రౌండ్లో భారత రెజ్లర్ ఉజ్బెకిస్థాన్కు చెందిన అక్తెంగె కీనింజవతో తలపడనుంది.
News Flash: Vinesh Phogat gets Quota 😍
Vinesh beats Kazakh grappler 10-0 in Semis of Asian Wrestling Olympic Qualifiers at Bishkek to secure Quota place for India in 50kg category #WrestleBishkek pic.twitter.com/dSmV4VR85U
— India_AllSports (@India_AllSports) April 20, 2024
ఈమధ్యే ఫొగట్ రెజ్లింగ్ ఫెడరేషన్ ఆఫ్ ఇండియా(WFI) చీఫ్పై సంచలన ఆరోపణలు చేసింది. తనను ఒలింపిక్స్ క్వాలిఫయర్స్(Olympics Qulaifiers)లో పోటీ పడకుండా చేసేందుకు ప్రయత్నిస్తున్నాడని ఫోగట్ వెల్లడించింది. అయితే.. ఫోగట్ వార్తల్లో వాస్తవం లేదని, ఆమె ఆలస్యంగా తన వివరాలు పంపిందని తీవ్ర స్థాయిలో ధ్వజమెత్తింది.
వరల్డ్ చాంపియన్షిప్స్(2019, 2022)లో ఫోగట్ 53 కిలోల విభాగంలో కాంస్య పతకంతో మెరిసింది. అంతేకాదు 2018 ఆసియా క్రీడల్లో 50 కిలోల విభాగంలో పోటీపడిన ఆమె ఏకంగా స్వర్ణ పతకం కొల్లగొట్టింది. మహిళా రెజ్లర్లను లైంగిక వేధింపులకు గురి చేస్తున్న అప్పటి డబ్ల్యూఎఫ్ఐ అధ్యక్షుడు బ్రిజ్ భూషణ్(Brij Bhushan)కు వ్యతిరేకంగా వినేశ్ ఫోగట్ పెద్ద ఉద్యమమే చేసింది. అతడిని పదవి నుంచి తప్పించడతో పాటు కఠిన చర్యలు తీసుకోవాలని భజ్రంగ్ పూనియా, సాక్షి మాలిక్ వంటి స్టార్ రెజ్లర్లతో పాటు ఫోగట్ ఉద్యమించిన విషయం తెలిసిందే.