Gold-Silver Rates | వరుసగా మూడో రోజూ భారీగా బంగారం ధర పతనం.. అదే బాటలో వెండి

Gold-Silver Rates | దేశీయ బులియన్ మార్కెట్లో గురువారం వరుసగా తులం బంగారం ధర (24 క్యారట్స్) రూ.1000 తగ్గి, రూ.70650లకు పతనమైంది. కిలో వెండి ధర కూడా రూ.3500 పతనమైంది.

July 25, 2024 / 10:24 PM IST

Gold-Silver Rates | వరుసగా మూడో రోజూ భారీగా బంగారం ధర పతనం.. అదే బాటలో వెండి

Gold-Silver Rates | అంతర్జాతీయ పరిణామాలకు తోడు స్థానికంగా గిరాకీ తగ్గడంతో దేశీయ బులియన్ మార్కెట్లో బంగారం ధర గురువారం వరుసగా మూడో రోజు భారీగా తగ్గింది. గురువారం దేశ రాజధాని ఢిల్లీలో 24 క్యారట్ల బంగారం తులం ధర రూ.1000 తగ్గి రూ.70,650కి పతనమైంది. బుధవారం నాడు పది గ్రాముల బంగారం (24 క్యారట్స్) ధర రూ.71,650 వద్ద ముగిసింది. మరోవైపు కిలో వెండి ధర కూడా రూ.35,00 పతనమై రూ.84 వేలకు దిగి వచ్చింది. బుధవారం కిలో వెండి ధర రూ.87,500 పలికింది.

ఈ నెల 23న కేంద్ర బడ్జెట్ ప్రవేశ పెట్టిన ప్పటి నుంచి మూడు సెషన్లలో తులం బంగారం ధర రూ.5000 పతనమైంది. బంగారం, వెండితోపాటు పలు కీలక లోహాలపై కస్టమ్స్ డ్యూటీ భారీగా తగ్గి్స్తూ కేంద్ర ఆర్థిక మంత్రి నిర్మలా సీతారామన్ బడ్జెట్ లో ప్రతిపాదనలు సమర్పించిన సంగతి తెలిసిందే. బంగారం, వెండి దిగుమతిపై సుంకం 15 నుంచి ఆరు శాతానికి తగ్గించారు. దీంతో మంగళవారం తులం బంగారం ధర రూ.3,350 తగ్గింది. ఈ ఏడాదిలో బంగారం ధర భారీగా తగ్గడం ఇదే తొలిసారి. అంతర్జాతీయ మార్కెట్లోనూ ఔన్స్ బంగారం ధర 42.20 డాలర్లు పతనమై 2421.80 డాలర్లు పలికింది. న్యూయార్క్ లో ఔన్స్ వెండి ధర 28.04 డాలర్ల వద్ద ట్రేడయింది.