విదర్భ తీన్‌మార్‌

రంజీ టోర్నీలో విదర్భ విజేతగా నిలిచింది. కేరళతో ఆఖరి వరకు ఆసక్తికరంగా సాగిన ఫైనల్‌ పోరు డ్రా అయ్యింది. అయితే తొలి ఇన్నింగ్స్‌ ఆధిక్యంతో విదర్భ రంజీ టైటిల్‌ విజేతగా నిలిచింది. విదర్భకు ఇది మూడో ట్రోఫీ కావడం విశేషం. ఈ సీజన్‌ ఆసాంతం సమిష్టి ప్రదర్శనతో సత్తాచాటిన విదర్భ అద్భుత విజయాన్ని ఖాతాలో వేసుకుంది.

• మూడోసారి రంజీ టైటిల్‌ కైవసం
• కేరళతో ఫైనల్‌ పోరు డ్రా
• తొలి ఇన్నింగ్స్‌ ఆధిక్యంతో విజయం

నాగ్‌పూర్‌: రంజీ టోర్నీలో విదర్భ విజేతగా నిలిచింది. కేరళతో ఆఖరి వరకు ఆసక్తికరంగా సాగిన ఫైనల్‌ పోరు డ్రా అయ్యింది. అయితే తొలి ఇన్నింగ్స్‌ ఆధిక్యంతో విదర్భ రంజీ టైటిల్‌ విజేతగా నిలిచింది. విదర్భకు ఇది మూడో ట్రోఫీ కావడం విశేషం. ఈ సీజన్‌ ఆసాంతం సమిష్టి ప్రదర్శనతో సత్తాచాటిన విదర్భ అద్భుత విజయాన్ని ఖాతాలో వేసుకుంది. ఓవర్‌నైట్‌ స్కోరు 249/4తో ఆఖరి రోజైన ఆదివారం రెండో ఇన్నింగ్స్‌కు దిగిన విదర్భ 375/9 స్కోరు చేసింది. ఓవర్‌నైట్‌ బ్యాటర్‌ కరణ్‌ నాయర్‌ (135) త్వరగానే నిష్క్రమించాడు.

ఆ తర్వాత వచ్చిన దర్శన్‌ నల్కందే (51 నాటౌట్‌), అక్షయ్‌ కర్నెవార్‌ (30) ఆకట్టుకున్నారు. కేళ బౌలింగ్‌ దాడిని సమర్థంగా తిప్పికొడుతూ ఇన్నింగ్స్‌ను ముందుకు నడిపించారు. వీరిద్దరు కలిసి ఎనిమిదో వికెట్‌కు 48 పరుగుల భాగస్వామ్యం నెలకొల్పారు. ఆదిత్య సర్వాతె (4/96) నాలుగు వికెట్లతో రాణించాడు. దానిశ్‌ మలెవార్‌కు ‘మ్యాన్‌ ఆఫ్‌ ద మ్యాచ్‌’, రంజీల్లో కొత్త చరిత్ర లిఖించిన హర్ష్‌దూబే (69 వికెట్లు, 476 పరుగులు) ‘ప్లేయర్‌ ఆఫ్‌ ద సిరీస్‌’ అవార్డులు దక్కాయి.

3 కోట్ల నజరానా

మూడోసారి రంజీ టైటిల్‌ గెలిచిన తమ జట్టుకు విదర్భ క్రికెట్‌ అసోసియేషన్‌(వీసీఏ) 3 కోట్ల నజరానా ప్రకటించింది.