తెలంగాణ పతక జోరు

గోవా వేదికగా జరుగుతున్న ప్రతిష్ఠాత్మక నేషనల్‌ గేమ్స్‌లో తెలంగాణ పతక జోరు దిగ్విజయంగా కొనసాగుతున్నది. మహిళల 200మీటర్ల బటర్‌ఫ్లై ఈవెంట్‌లో యువ స్విమ్మర్‌ వ్రితి అగర్వాల్‌ కాంస్య పతకంతో మెరిసింది. ఆఖరి వరకు ఆసక్తికరంగా సాగిన రేసులో ఆస్తా చౌదరీ(2:19:29సె, అస్సాం), హషికా రామచంద్ర(2:22:20సె, కర్నాటక) వరుసగా స్వర్ణ, రజతాలు కైవసం చేసుకోగా, 2:22:28 టైమింగ్‌తో వ్రితి మూడో స్థానంలో నిలిచింది.

• నేషనల్‌ గేమ్స్‌

పనాజీ: గోవా వేదికగా జరుగుతున్న ప్రతిష్ఠాత్మక నేషనల్‌ గేమ్స్‌లో తెలంగాణ పతక జోరు దిగ్విజయంగా కొనసాగుతున్నది. మహిళల 200మీటర్ల బటర్‌ఫ్లై ఈవెంట్‌లో యువ స్విమ్మర్‌ వ్రితి అగర్వాల్‌ కాంస్య పతకంతో మెరిసింది. ఆఖరి వరకు ఆసక్తికరంగా సాగిన రేసులో ఆస్తా చౌదరీ(2:19:29సె, అస్సాం), హషికా రామచంద్ర(2:22:20సె, కర్నాటక) వరుసగా స్వర్ణ, రజతాలు కైవసం చేసుకోగా, 2:22:28 టైమింగ్‌తో వ్రితి మూడో స్థానంలో నిలిచింది.

నేషనల్‌ గేమ్స్‌లో వ్రితికి ఇది మూడో పతకం. మరోవైపు శ్రీవల్లి రష్మిక, శ్రావ్య శివానీ, అభ్యా , సౌమ్య, అపూర్వతో కూడిన తెలంగాణ మహిళల టెన్నిస్‌ జట్టు కాంస్య పతకం సొంతం చేసుకుంది. మహిళల డబుల్స్‌ క్వార్టర్స్‌లో రష్మిక, శివానీ జోడీ 7-6(6), 3-3తో అంకితా రైనా, వైదేహి చౌదరీ ద్వయంపై గెలిచి సెమీస్‌లోకి ప్రవేశించింది. ఓవరాల్‌గా ఇప్పటి వరకు తెలంగాణ 12 పతకాలతో 22వ స్థానంలో కొనసాగుతున్నది.