ఖేలో ఇండియా గేమ్స్‌కు ప్రధాని మోదీని ఆహ్వానించండి

: తెలంగాణ ఆతిథ్యం ఇచ్చే ఖేలో ఇండియా యూత్‌ గేమ్స్‌ ప్రారంభోత్సవానికి ప్రధానమంత్రి నరేంద్ర మోదీని ఆహ్వానించాలని కేంద్ర క్రీడా శాఖ మంత్రి మన్సుఖ్‌ మాండవీయను రాష్ట్ర క్రీడా శాఖ మంత్రి వాకిటి శ్రీహరి కోరారు. డిసెంబర్‌లో జరిగే ఖేలో గేమ్స్‌ సన్నద్ధత, నిర్వహణ ఏర్పాట్లపై న్యూఢిల్లీలో మాండవీయతో వాకిటి శ్రీహరి నేతృత్వంలోని రాష్ట్ర బృందం గురువారం సమావేశమైంది.

• కేంద్ర క్రీడా మంత్రి మాండవీయకు మంత్రి వాకిటి శ్రీహరి విజ్ఞప్తి

హైదరాబాద్‌, అక్టోబర్‌ 29 (నమస్తే తెలంగాణ): తెలంగాణ ఆతిథ్యం ఇచ్చే ఖేలో ఇండియా యూత్‌ గేమ్స్‌ ప్రారంభోత్సవానికి ప్రధానమంత్రి నరేంద్ర మోదీని ఆహ్వానించాలని కేంద్ర క్రీడా శాఖ మంత్రి మన్సుఖ్‌ మాండవీయను రాష్ట్ర క్రీడా శాఖ మంత్రి వాకిటి శ్రీహరి కోరారు. డిసెంబర్‌లో జరిగే ఖేలో గేమ్స్‌ సన్నద్ధత, నిర్వహణ ఏర్పాట్లపై న్యూఢిల్లీలో మాండవీయతో వాకిటి శ్రీహరి నేతృత్వంలోని రాష్ట్ర బృందం గురువారం సమావేశమైంది.

ఈ సందర్భంగా పోటీలను అత్యంత వైభవంగా నిర్వహించాలని, క్రీడాకారులకు అత్యుత్తమ సదుపాయాలు, వసతి, రవాణా, భద్రత కల్పించాలని మాండవీయ సూచించారు. మంత్రి శ్రీహరి మాట్లాడుతూ.. ప్రారంభోత్సవానికి ప్రధాని మోదీ హాజరైతే ఈ పోటీలకు జాతీయ స్థాయిలో మరింత ప్రాధాన్యత లభించడంతో పాటు యువ క్రీడాకారుల్లో ఉత్తేజం నిండుతుందన్నారు.