Mukesh Kumar | టీ20 సిరీస్ మ‌ధ్య‌లో వివాహం.. ఇన్‌స్టాలో ఫొటోలు పెట్టిన‌ భార‌త పేస‌ర్

Mukesh Kumar : ఆస్ట్రేలియాతో జ‌రిగిన‌ ఐదు టీ20ల సిరీస్‌లో భార‌త యువ పేస‌ర్ ముకేష్ కుమార్(Mukesh Kumar) అద‌ర‌గొట్టాడు. జూనియ‌ర్ ష‌మీగా ప్ర‌శంస‌లు అందుకున్న ఈ స్పీడ్‌స్ట‌ర్ తాజాగా త‌న పెండ్లి వేడుక ఫొటోల‌ను సోష‌ల్ మీడియాలో షేర్ చేశాడు. పెండ్లి చేసుకోవ‌డం కోసం మూడో టీ20కి దూర‌మైన అత‌డు ఆ...

Mukesh Kumar : ఆస్ట్రేలియాతో జ‌రిగిన‌ ఐదు టీ20ల సిరీస్‌లో భార‌త యువ పేస‌ర్ ముకేష్ కుమార్(Mukesh Kumar) అద‌ర‌గొట్టాడు. జూనియ‌ర్ ష‌మీగా ప్ర‌శంస‌లు అందుకున్న ఈ స్పీడ్‌స్ట‌ర్ తాజాగా త‌న పెండ్లి వేడుక ఫొటోల‌ను సోష‌ల్ మీడియాలో షేర్ చేశాడు. పెండ్లి చేసుకోవ‌డం కోసం మూడో టీ20కి దూర‌మైన అత‌డు ఆ తర్వాత జ‌ట్టుతో క‌లిసిన విష‌యం తెలిసిందే.

ముకేష్ ఉత్త‌ర‌ప్ర‌దేశ్‌లోని గోర‌ఖ్‌పూర్‌లో దివ్యా సింగ్‌(Divya Singh)ను వివాహం చేసుకున్నాడు. త‌మ క‌ల్యాణ‌ మ‌హోత్స‌వ ఫొటోల‌ను అభిమానుల‌తో పంచుకున్న అత‌డు వాటికి.. ‘ఎల్ల‌ప్పుడూ నేను నీవాడినే. నువ్వు నాదానివే’ అంటూ క్యాప్ష‌న్ పెట్టాడు. ఆ ఫొటో చూసిన టీ20 సార‌థి సూర్య‌కుమార్ యాద‌వ్(Suryakumar Yadav) ముకేష్ దంప‌తుల‌కు శుభాకాంక్ష‌లు తెలిపాడు.

 

View this post on Instagram

 

A post shared by Mukesh Kumar (@mukeshkumar3924)

రంజీల్లో బెంగాల్ త‌ర‌ఫున‌ త‌న పేస్ ప‌వ‌ర్ చూపించిన ముకేష్‌.. ఇండియ‌న్ ప్రీమియ‌ర్ లీగ్ 16వ సీజ‌న్‌లో అద్భుతంగా రాణించాడు. ఢిల్లీ క్యాపిట‌ల్స్‌(Delhi Capitals)కు ప్రాతినిధ్యం వ‌హించిన ఈ స్పీడ్‌స్ట‌ర్ పొదుపుగా బౌలింగ్ చేశాడు. నిల‌కడైన ప్ర‌ద‌ర్శ‌న‌తో సెలెక్ట‌ర్ల దృష్టిలో ప‌డ్డ ముకేష్ వెస్టిండీస్ ప‌ర్య‌ట‌న‌(West indies Tour)తో భార‌త జ‌ట్టు త‌ర‌ఫున‌ మూడు ఫార్మాట్ల‌లో అరంగేట్రం చేశాడు. ఈ సిరీస్‌లో ఆక‌ట్టుకున్న ముకేష్ ఆస్ట్రేలియాతో ఐదు టీ20ల సిరీస్‌లో దుమ్మురేపాడు. డెత్ ఓవ‌ర్ స్పెష‌లిస్ట్‌గా రాణిస్తూ మాజీల ప్ర‌శంస‌లు అందుకున్నాడు. ఐపీఎల్ 17వ సీజ‌న్‌లో ముకేష్ మ‌ళ్లీ ఢిల్లీ క్యాపిట‌ల్స్ త‌ర‌ఫున ఆడ‌నున్నాడు.

ఇవి కూడా చ‌ద‌వండి

• Uttam Kumar Reddy | ఢిల్లీలో ప్రత్యక్షమైన ఎంపీ ఉత్తమ్‌ కుమార్‌ రెడ్డి.. ఎందుకు వెళ్లారంటే?

• Telangana | సీఎం అభ్యర్థిపై కొనసాగుతున్న ఉత్కంఠ.. ఖర్గే కీలక ప్రకటన

• Michaung Cyclone | బాపట్ల దగ్గర తీరం తాకిన మిగ్‌జాం తుఫాను.. 11 జిల్లాల్లో భారీ వర్షం