Gautam Gambhir | టీమ్‌ఇండియా హెడ్‌కోచ్‌ గౌతమ్‌ గంభీర్‌కు చంపుతామంటూ బెదిరింపులు

టీమ్‌ఇండియా ప్రధాన కోచ్‌, బీజేపీ మాజీ ఎంపీ గౌతమ్‌ గంభీర్‌కు (Gautam Gambhir) బెదిరింపులు వచ్చాయి. తనను చంపుతామంటూ ఐసిస్‌ కశ్మీర్‌ నుంచి రెండు మెయిల్స్‌ వచ్చాయని ఢిల్లీ పోలీసులకు ఫిర్యాదు చేశారు. తనతోపాటు కుటుంబ సభ్యులకు భద్రత కల్పించాలని కోరారు.

న్యూఢిల్లీ: టీమ్‌ఇండియా ప్రధాన కోచ్‌, బీజేపీ మాజీ ఎంపీ గౌతమ్‌ గంభీర్‌కు (Gautam Gambhir) బెదిరింపులు వచ్చాయి. తనను చంపుతామంటూ ఐసిస్‌ కశ్మీర్‌ నుంచి రెండు మెయిల్స్‌ వచ్చాయని ఢిల్లీ పోలీసులకు ఫిర్యాదు చేశారు. తనతోపాటు కుటుంబ సభ్యులకు భద్రత కల్పించాలని కోరారు. ఈ నెల 22న గంభీర్‌కు బెదిరింపు మెయిల్స్‌ వచ్చాయి. ఒక మంగళవారం మధ్యాహ్నం రాగా, మరొకటి అదేరోజు సాయంత్రం వచ్చింది. రెండిటిలోనూ ఐ కిల్‌ యూ (IKillU) అని ఉంది. ఈ నేపథ్యంలో కేసు నమోదుచేసిన ఢిల్లీలోని రాజింద్రనగర్‌ పోలీసులు దర్యాప్తు చేస్తున్నారు.

గంభీర్‌కు ఇలాంటి బెదింపులు రావడం ఇది మొదటిసారి కాదు. 2021, నవంబర్‌లో ఆయన ఎంపీగా ఉన్న సమాయంలో కూడా ఇలాంటి ఈ-మెయిల్‌ వచ్చింది. కాగా, మంగళవారం పహల్గాంలో పర్యాటకులపై ఉగ్రవాదులు జరిపిన పాశవిక దాడిని గంభీర్‌ ఎక్స్‌వేదికగా ఖండించారు. ఈ దాడిలో ఇప్పటివరకు 26 మంది చనిపోయిన విషయం తెలిసిందే.