Team Europe | టీమ్‌ యూరప్‌దే లేవర్‌ కప్‌.. సత్తాచాటి చాటిన కార్లొస్‌ అల్కారజ్‌

టెన్నిస్‌లో ప్రతిష్టాత్మక లేవర్‌ కప్‌ ట్రోఫీని టీమ్‌ యూరప్‌ సొంతం చేసుకుంది. స్పెయిన్‌ యువ సంచలనం కార్లొస్‌ అల్కారజ్‌ సింగిల్స్‌తో పాటు డబుల్స్‌ విభాగంలోనూ సత్తాచాటి టీమ్‌ యూరప్‌నకు ఐదో లేవర్‌ కప్‌ ట్రోఫీని అందించాడు.

Team Europe | బెర్లిన్‌ (జర్మనీ): టెన్నిస్‌లో ప్రతిష్టాత్మక లేవర్‌ కప్‌ ట్రోఫీని టీమ్‌ యూరప్‌ సొంతం చేసుకుంది. స్పెయిన్‌ యువ సంచలనం కార్లొస్‌ అల్కారజ్‌ సింగిల్స్‌తో పాటు డబుల్స్‌ విభాగంలోనూ సత్తాచాటి టీమ్‌ యూరప్‌నకు ఐదో లేవర్‌ కప్‌ ట్రోఫీని అందించాడు. తొలి సింగిల్స్‌లో అల్కారజ్‌.. 6-2, 7-5తో టేలర్‌ ఫ్రిట్జ్‌ను ఓడించాడు. కానీ రెండో సింగిల్స్‌లో మెద్వెదెవ్‌ 7-6 (8/6), 5-7, 7-10తో ఓటమి పాలయ్యాడు.

మూడో సింగిల్స్‌లో అలెగ్జాండర్‌ జ్వెరెవ్‌ 6-7 (5/7), 7-5, 10-5తో ఫ్రాన్సిస్‌ టియాఫోను ఓడించాడు. డబుల్స్‌ విభాగంలో అల్కారజ్‌-రూడ్‌ ద్వయం 6-2, 7-6 (8/6)తో టియాఫో-షెల్టన్‌ను ఓడించడంతో టీమ్‌ యూరప్‌ 13-11తో టీమ్‌ వరల్డ్‌ను ఓడించి టైటిల్‌ గెలిచింది.