Visit:
పేరుకు పసికూనలే అయినా.. ఆ జట్ల మధ్య మ్యాచ్ మాత్రం థ్రిల్లర్ సినిమాను తలపించింది. టీ20 ప్రపంచకప్‌లో భాగంగా ఆదివారం నాడు యూఏఈ, నెదర్లాండ్స్ మధ్య జరిగిన ఈ మ్యాచ్‌లో ఎట్టకేలకు విజయం నెదర్లాండ్స్‌నే వరించింది. ఈ మ్యాచ్‌లో టాస్ గెలిచి బ్యాటింగ్ ఎంచుకున్న యూఏఈ బ్యాటుతో ఆకట్టుకోలేకపోయింది. నిర్ణీత 20 ఓవర్లలో 8 వికెట్ల నష్టానికి 111 పరుగులు మాత్రమే చేయగలిగింది. ఛేజింగ్‌లో నెదర్లాండ్స్ జట్టు కూడా తడబడింది.
జహూర్ ఖాన్ వేసిన 19వ ఓవర్లో ఏడో వికెట్ కోల్పోయిన నెదర్లాండ్స్.. మ్యాచ్‌లో ఉత్కంఠను మరింత పెంచింది. అయితే చివరి ఓవర్లో 6 పరుగులు అవసరమవగా.. స్కాడ్ ఎడ్వర్డ్స్ (12 నాటౌట్), లోగన్ వాన్ బీక్ (2 నాటౌట్) ఆ లాంఛనం పూర్తి చేసి పొట్టి ప్రపంచకప్‌ గ్రూప్‌ దశలో జట్టుకు విజయాన్ని అందించారు. యూఏఈ బౌలర్లలో జునైద్ సిద్దిఖీ మూడు వికెట్లతో చెలరేగగా.. బసిల్ హమీద్, అయాన్ అఫ్జల్ ఖాన్, కార్తిక్ మైయప్పన్, జహూర్ ఖాన్ తలో వికెట్ తీసుకున్నారు.
An incredible opening day of the #T20WorldCup comes to an end 🔥
Netherlands cross the finish line in yet another thrilling contest!#UAEvNED |📝 https://t.co/sD75sGYNF1 pic.twitter.com/Kh8yIBhSeJ
— ICC (@ICC) October 16, 2022
