IPL 2024 LSG vs GT : డబుల్ హెడర్ రెండో మ్యాచ్లో లక్నో సూపర్ జెయింట్స్(Lucknow Super Gaints) బ్యాటర్లు దంచేశారు. టాపార్డర్ మెరవకున్నా.. మిడిలార్డర్ బ్యాటర్లు ఉతికేశారు. దాంతో లక్నో నిర్ణీత ఓవర్లలో 163 రన్స్ కొట్టింది. విధ్వసంక ఆల్రౌండర్ మార్కస్ స్టోయినిస్(58) అర్ధ శతకంతో కదం తొక్కగా.. కెప్టెన్ కేఎల్ రాహుల్(33) బౌండరీలతో హోరెత్తించాడు.
చివర్లో ఎప్పటిలానే నికోలస్ పూరన్(32 నాటౌట్) సుడిగాలి ఇన్నింగ్స్ ఆడాడు. దాంతో, లక్నో వికెట్ల 5 నష్టానికి 163 రన్స్ చేసింది. గుజరాత్ బౌలర్లలో ఉమేశ్, దర్శన్ నల్కందేలు రెండేసి వికెట్లు పడగొట్టారు.
A strong comeback from Darshan Nalkande 🙌
He gets his second wicket of the night to provide a crucial moment in the match👌👌
Watch the match LIVE on @JioCinema and @starsportsindia 💻📱#TATAIPL | #LSGvGT pic.twitter.com/buX2wXAwST
— IndianPremierLeague (@IPL) April 7, 2024
సొంత మైదానంలో లక్నోకు ఆదిలోనే షాక్ తగిలింది. ఉమేశ్ యాదవ్ విజృంభణతో ఫామ్లో ఉన్న డేంజరస్ ఓపెనర్ క్వింటన్ డికాక్ (10) తొలి ఓవర్లోనే ఔటయ్యాడు. 6 పరుగుల వద్ద తొలి వికెట్ పడిన లక్నోను మరోసారి దెబ్బకొట్టాడు. ఈ సీజన్లో విఫలమవుతున్న దేవ్దత్ పడిక్కల్()ను వెనక్కి పంపాడు. పవర్ ప్లేలో 18 పరుగులకే రెండు కీలక వికెట్లు కోల్పోయి కష్టాల్లో పడిన జట్టును రాహుల్(33), మార్కస్ స్టోయినిస్(58 :43 బంతుల్లో 4 ఫోర్లు, 2 సిక్సర్లు)లు ఆదుకున్నారు.
Milestone Alert 🚨
KL Rahul completes 1️⃣0️⃣0️⃣0️⃣ runs for #LSG in the IPL 👏👏
Which is your favourite innings of the #LSG skipper?#TATAIPL | #LSGvGT | @klrahul pic.twitter.com/irNzMik8gt
— IndianPremierLeague (@IPL) April 7, 2024
మూడో వికెట్కు 73 రన్స్ జోడించారు. ఈ క్రమంలోనే రాహుల్ లక్నో తరఫున వెయ్యి పరుగులు పూర్తి చేసుకున్నాడు. వీళ్ల తర్వాత పూరన్, ఆయుష్ బదొని(24) గుజరాత్ బౌలర్లను చితక్కొడుతూ లక్నోకు పొరాడగలిగే స్కోర్ అందించారు. ఈ వికెట్పై 180 ప్లస్ కొడితే కానీ టార్గెట్ను కాపాడుకోలేరు. అలాంటిది హిట్టర్లతో నిండిన గుజరాత్ను మయాంక్ యాదవ్, నవీన్ ఉల్ హక్లు ఏమేరకు కట్టడి చేస్తారో చూడాలి.