హోరాహోరీగా రాష్ట్ర స్థాయి ఖోఖో పోటీలు

మహబూబ్‌నగర్‌ జిల్లా కేంద్రంలోని స్టేడియంలో సోమవారం మొదలైన 43వ రాష్ట్ర స్థాయి జూనియర్‌ ఖోఖో చాంపియన్‌షిప్‌ పోటీలు హోరాహోరీగా సాగుతున్నాయి. పది ఉమ్మడి జిల్లాల నుంచి వచ్చిన బాలబాలికలు టోర్నీలో సత్తాచాటుతున్నారు.

మహబూబ్‌నగర్‌ అర్బన్‌, అక్టోబర్‌ 28: మహబూబ్‌నగర్‌ జిల్లా కేంద్రంలోని స్టేడియంలో సోమవారం మొదలైన 43వ రాష్ట్ర స్థాయి జూనియర్‌ ఖోఖో చాంపియన్‌షిప్‌ పోటీలు హోరాహోరీగా సాగుతున్నాయి. పది ఉమ్మడి జిల్లాల నుంచి వచ్చిన బాలబాలికలు టోర్నీలో సత్తాచాటుతున్నారు.

మొదటి రోజు బాలికల విభాగంలో మహబూబ్‌నగర్‌ జట్టు 18-8తో మెదక్‌ జట్టుపై శుభారంభం చేయగా.. హైదరాబాద్‌ 12-10తో ఖమ్మంపై, నల్లగొండ 26-10తో కరీంనగర్‌పై, ఆదిలాబాద్‌ జట్టు 19-6తో వరంగల్‌పై గెలిచాయి. మరోవైపు బాలుర కేటగిరీలో వరంగల్‌ 28-20తో ఖమ్మంపై, రంగారెడ్డి 16-14తో కరీంనగర్‌పై, ఆదిలాబాద్‌ 28-24తో నల్లగొండపై, హైదరాబాద్‌ 50-30తో ఖమ్మంపై, కరీంనగర్‌ 36-30తో నిజామాబాద్‌పై గెలిచాయి.