శ్రీనిత్యకు స్వర్ణం… శివానికి కాంస్యం

అహ్మదాబాద్‌లో జరుగుతున్న 51వ జాతీయ జూనియర్‌ స్విమ్మింగ్‌ చాంపియన్‌షిప్‌లో తెలంగాణ స్విమ్మర్లు పతకాలతో సత్తా చాటుతున్నారు. బుధవారం జరిగిన పోటీల్లో రాష్ర్టానికి చెందిన శ్రీ నిత్య పసిడి పతకం గెలుచుకోగా శివాని కాంస్యం నెగ్గింది.

హైదరాబాద్‌, ఆట ప్రతినిధి : అహ్మదాబాద్‌లో జరుగుతున్న 51వ జాతీయ జూనియర్‌ స్విమ్మింగ్‌ చాంపియన్‌షిప్‌లో తెలంగాణ స్విమ్మర్లు పతకాలతో సత్తా చాటుతున్నారు. బుధవారం జరిగిన పోటీల్లో రాష్ర్టానికి చెందిన శ్రీ నిత్య పసిడి పతకం గెలుచుకోగా శివాని కాంస్యం నెగ్గింది. మహిళల గ్రూప్‌-1 200 మీటర్స్‌ బ్యాక్‌స్ట్రోక్‌ ఈవెంట్‌లో శ్రీ నిత్య.. 2:21.56 నిమిషాల్లో లక్ష్యాన్ని పూర్తిచేసి స్వర్ణాన్ని ముద్దాడింది.

కర్నాటకకు చెందిన నైషా , తమిళనాడు స్విమ్మర్‌ ప్రమితి వరుసగా రజత, కాంస్యాలు దక్కించుకున్నారు. మహిళల గ్రూప్‌-2 200 మీటర్ల బ్యాక్‌స్ట్రోక్‌లో శివాని.. 2:30.34 నిమిషాల్లో లక్ష్యం చేరి కాంస్యం సాధించింది. ఈ విభాగంలో అన్వి (మహారాష్ట్ర) స్వర్ణం, ఒవియ (తమిళనాడు) రజతం గెలిచారు.