IPL 2024 SRH vs CSK : ఉప్పల్ స్టేడియంలో చెన్నై సూపర్ కింగ్స్ బ్యాటర్లకు హైదరాబాద్ బౌలర్లు కళ్లెం వేశారు. వారం క్రితం ఐపీఎల్ రికార్డు స్కోర్ బద్ధలైన చోట స్టార్లతో నిండిన చెన్నైని నిలువరించారు. డేంజరస్ శివం దూబే(45), అజింక్యా రహానే(35)లు బౌండరీలతో చెలరేగినా చెన్నైని తక్కువ స్కోర్కే పరిమితం చేశారు.
కమిన్స్ సారథ్యంలోని పేస్ దళం వరుస విరామాల్లో వికెట్లు తీసి ఒత్తిడి పెంచినా…చివర్లో రవీంద్ర జడేజా(31 నాటౌట్) దంచాడు. దాంతో, సీఎస్కే నిర్ణీత ఓవర్లలో 5 వికెట్ల నష్టానికి 165 పరుగులు చేసింది. ఎస్ఆర్హెచ్ బౌలర్లలో కమిన్స్, నటరాజన్, ఉనాద్కట్, భువనేశ్వర్లు తలా ఒక వికెట్ పడగొట్టారు.
Innings Break!
An impressive comeback from #SRH bowlers restrict #CSK to 165/5
Which team will get 🔙 to winning ways?🤔
Scorecard ▶️ https://t.co/O4Q3bQNgUP #TATAIPL | #SRHvCSK pic.twitter.com/34IwVR5dQB
— IndianPremierLeague (@IPL) April 5, 2024
టాస్ ఓడిన చెన్నైకు సన్రైజర్స్ హైదరాబాద్ పేసర్ భువనేశ్వర్ కుమార్ ఆదిలోనే షాక్ ఇచ్చాడు. డేంజరస్ ఓపెనర్ రచిన్ రవీంద్ర(12)ను ఔట్ చేశాడు. రచిన్ భారీ షాట్ ఆడబోయి మర్క్రమ్ చేతికి చిక్కాడు. దాంతో, 25 పరుగుల వద్ద సీఎస్కే తొలి వికెట్ కోల్పోయింది.
Muscled not once but TWICE 💥💥
Shivam Dube on a roll in Hyderabad! 🔥
Watch the match LIVE on @JioCinema and @StarSportsIndia 💻📱#TATAIPL | #SRHvCSK | @IamShivamDube pic.twitter.com/0odsO9hgAv
— IndianPremierLeague (@IPL) April 5, 2024
ఆ కాసేపటికే రుతురాజ్ గైక్వాడ్(26)ను షహ్బాజ్ అహ్మద్ వెనక్కి పంపాడు. 54 పరుగులకే రెండు వికెట్లు పడిన సీఎస్కేను రహానే(35), సిక్సర్ల దూబే(45)లు ఆదుకున్నారు. వీళ్లు మూడో వికెట్కు 63 రన్స్ జోడించారు. ఆ తర్వాత , జడేజా(31 నాటౌట్), డారిల్ మిచెల్(15)లు ధాటిగా ఆడడంతో చెన్నై ఆ మాత్రం స్కోర్ చేయగలిగింది.