Simon Doull: హ‌స‌న్ అలీ భార్య‌పై సైమన్ డౌల్ కామెంట్రీ.. వీడియో వైర‌ల్‌

Simon Doull: క్రికెట‌ర్ హ‌స‌న్ అలీ భార్య‌పై సైమ‌న్ డౌల్ చేసిన కామెంట్రీ వీడియో వైర‌ల్ అవుతోంది. పాకిస్థాన్ సూప‌ర్ లీగ్‌లో ఆయ‌న చేసిన వ్యాఖ్య‌ల ప‌ట్ల నెటిజ‌న్లు రియాక్ట్ అవుతున్నారు.

ఇస్లామాబాద్‌: పాకిస్థాన్ సూప‌ర్ లీగ్(PSL) టీ20 టోర్నీ జోరుగా సాగుతోంది. అయితే ఆ టోర్నీకి న్యూజిలాండ్ మాజీ క్రికెట‌ర్ సైమ‌న్ డౌల్(simon doull) కామెంట్రీ నిర్వ‌హిస్తున్నాడు. ఇటీవ‌ల పాక్ కెప్టెన్ బాబ‌ర్ ఆజ‌మ్‌పై ఘాటు వ్యాఖ్య‌లు చేసిన సైమ‌న్ డౌల్‌పై విమ‌ర్శ‌లు వెల్లువెత్తాయి. బాబ‌ర్ త‌న వ్య‌క్తిగ‌త మైలురాళ్ల‌కే ఎక్కువ ప్రాధాన్య‌త ఇస్తున్న‌ట్లు త‌న కామెంట్రీలో డౌల్ కామెంట్ చేశారు. దీంతో ఆయ‌న‌పై పాక్‌లో విమ‌ర్శ‌లు వ‌స్తున్నాయి. అయితే మ‌ళ్లీ సైమ‌న్ మ‌రోసారి విమ‌ర్శ‌ల పాల‌య్యారు. ఈసారి హ‌స‌న్ అలీ(Hasan Ali) భార్య‌పై కామెంట్ చేశాడు.

https://twitter.com/AdilAliShah13/status/1633884204768591873?s=20

ఇస్లామాబాద్ యునైటెడ్‌(Islamabad United), ముల్తాన్ సుల్తాన్స్(Multan Sultans) మ‌ధ్య జ‌రిగిన పీఎస్ఎల్ మ్యాచ్‌లో ఓ ద‌శ‌లో హ‌స‌న్ అలీ భార్య‌పై సైమ‌న్ కామెంట్ చేశారు. ముల్తాన్‌పై ఇస్లామాబాద్ జ‌ట్టు థ్రిల్లింగ్ విక్ట‌రీ కొట్టింది. ఆ స‌మ‌యంలో డౌల్ కామెంట్రీ ఇస్తున్నారు. డ‌గౌట్‌లో ఉన్న ఇస్లామాబాద్ జ‌ట్టు స‌భ్యులు ఎగిరి గంతేస్తున్న స‌మ‌యంలో.. స్టాండ్స్‌లో ఉన్న హ‌స‌న్ అలీ భార్య స‌మియా ఆర్జూ( Samiyaa Arzoo)పై కెమెరాను ఫోక‌స్ చేశారు. ఆ స‌మ‌యంలో డౌల్ త‌న కామెంట్రీలో స‌మియాపై పొగ‌డ్త‌లు కురిపించాడు. ఆమె గెలిచింది.. కొంద‌రి హృద‌యాల‌ను ఆమె గెలిచింద‌న్న న‌మ్మ‌కం ఉంది.. అద్భుత‌మైన విజ‌య‌మ‌ని డౌల్ అన్నాడు.

డౌల్ కామెంట్రీకి చెందిన ఓ వీడియో ప్ర‌స్తుతం సోష‌ల్ మీడియా(Social Media)లో వైర‌ల్ అవుతోంది.