బీబీఎల్‌లో ఆడనున్న మరో ఇద్దరు భారత క్రికెటర్లు

ఆస్ట్రేలియా వేదికగా జరిగే విమెన్స్‌ బిగ్‌బాష్‌ లీగ్‌(బీబీఎల్‌)లో భారత్‌ నుంచి మరో ఇద్దరు క్రికెటర్లు లీగ్‌ ఆడేందుకు సిద్ధమయ్యారు. టీనేజ్‌ సంచలనం షెఫాలీ వర్మ రాబోయే సీజన్‌లో సిడ్నీ సిక్సర్స్​ తరఫున బరిలో దిగనుంది. లెఫ్టార్మ్‌ స్పిన్నర్‌ రాధా యాదవ్‌ కూడా బీబీఎల్‌లో సిడ్నీ ఫ్రాంఛైజీ తరఫును ఆడటానికి చర్చలు జరుపుతున్నట్లు తెలిసింది.

షెఫాలీతో పాటు రాధా ఈ సీజన్‌లో లీగ్‌లో పాల్గొంటారని బీసీసీఐ అధికారి ఒకరు చెప్పారు. భారత మహిళల టీ20 జట్టు కెప్టెన్ హర్మన్ ​ప్రీత్​ కౌర్​(సిడ్నీ థండర్​), స్టార్‌ ఓపెనర్​ స్మృతి మంధాన(బ్రిస్బేన్​ హీట్​), ఆల్​రౌండర్​ వేద కృష్ణమూర్తి(హోబార్ట్​ హరికేన్స్‌ ​) ఇప్పటికే బీబీఎల్‌లో ఆడుతున్నారు.