రికర్వ్‌ ఆర్చర్ల ఫ్లాప్‌ షో

ప్రపంచ ఆర్చరీ చాంపియన్‌షిప్స్‌ ఆరంభంలోనే రెండు పతకాలు సాధించి భారీ అంచనాలు పెంచిన భారత ఆర్చర్లు తర్వాత తేలిపోతున్నారు. బుధవారం భారత్‌కు మరోసారి నిరాశజనక ఫలితాలే వచ్చాయి. మహిళల రికర్వ్‌ టీమ్‌ ఈవెంట్‌లో కాంస్య పోరుకు అర్హత సాధించిన భారత్‌.. 3-5తో దక్షిణ కొరియా చేతిలో ఓడింది.

గ్వాంగ్జు (దక్షిణ కొరియా): ప్రపంచ ఆర్చరీ చాంపియన్‌షిప్స్‌ ఆరంభంలోనే రెండు పతకాలు సాధించి భారీ అంచనాలు పెంచిన భారత ఆర్చర్లు తర్వాత తేలిపోతున్నారు. బుధవారం భారత్‌కు మరోసారి నిరాశజనక ఫలితాలే వచ్చాయి. మహిళల రికర్వ్‌ టీమ్‌ ఈవెంట్‌లో కాంస్య పోరుకు అర్హత సాధించిన భారత్‌.. 3-5తో దక్షిణ కొరియా చేతిలో ఓడింది.

దీపికా కుమారి, గత ఖడకె, అంకితాతో కూడిన భారత త్రయం.. ఒక దశలో 3-3తో సమంగా ఉన్నప్పటికీ ఆఖర్లో తడబడి మూల్యం చెల్లించుకుంది. రికర్వ్‌ మిక్స్‌డ్‌ ఈవెంట్‌లో దీపికా, నీరజ్‌ ద్వయం.. ప్రిక్వార్టర్స్‌లో 4-5తో జపాన్‌ చేతిలో ఓటమిపాలైంది. పురుషుల వ్యక్తిగత విభాగాల్లో రాహుల్‌, ధీరజ్‌, నీరజ్‌కూ నిరాశ తప్పలేదు. ఈ టోర్నీలో ఇప్పటిదాకా కాంపౌండ్‌ విభాగం పురుషుల టీమ్‌ ఈవెంట్‌తో పాటు మిక్స్‌డ్‌ డబుల్స్‌లో మాత్రమే భారత్‌ పతకాలు సాధించింది.