బాక్సింగ్‌ క్లబ్‌తో రానా జట్టు

హైదరాబాద్‌, ఆట ప్రతినిధి: నాగోన్‌(అస్సాం) వేదికగా జరిగిన బీసీ రాయ్‌ ఫుట్‌బాల్‌ చాంపియన్‌సిప్‌లో తెలంగాణ బాలుర జూనియర్‌ జట్టు విజేతగా నిలిచింది. తెలంగాణ, మణిపూర్‌ మధ్య హోరాహోరీగా సాగిన ఫైనల్‌ పోరు నిర్ణీత సమయంలో 1-1తో డ్రాగా ముగిసింది. అయితే విజేతను నిర్ణయించేందుకు జరిగిన పెనాల్టీ షూటౌట్‌లో తెలంగాణ 4-3తో మణిపూర్‌పై విజయాన్నందుకుంది. యఫబా, ఫైజాన్‌, సాజిద్‌, ఒమర్‌ ఫారుఖ్‌ తెలంగాణ తరఫున గోల్స్‌ చేశారు. టైటిల్‌ విజేతగా నిలిచిన జట్టును రాష్ట్ర ఫుట్‌బాల్‌ అసోసియేషన్‌ కార్యదర్శి పాల్గుణ అభినందించారు.

బార్సిలోనా: ఫుట్‌బాల్‌ యువ సంచలనం, ఇటీవలే యూరో కప్‌ నెగ్గిన స్పెయిన్‌ జట్టులోని ఆటగాడు లమినె యమాల్‌ తండ్రి మోనిర్‌ నస్రోయ్‌ హత్యాయత్నానికి గురయ్యాడు. బుధవారం ఆయనపై గుర్తుతెలియని దుండగులు దాడికి దిగినట్టు అసోసియేటెడ్‌ ప్రెస్‌ (ఏపీ) ఓ కథనంలో పేర్కొంది. హత్యాయత్నం జరిగిన వెంటనే మోనిర్‌ను స్థానికంగా ఉన్న ఆస్పత్రికి తరలించగా ఆయన పరిస్థితి ప్రస్తుతం నిలకడగా ఉన్నట్టు సమాచారం. కాగా సీసీ టీవీ ఫుటేజీ ఆధారంగా దాడికి పాల్పడ్డట్టుగా అనుమానిస్తున్న ముగ్గురు నిందితులను పోలీసులు అరెస్ట్‌ చేశారు.