Rachin Ravindra | వ‌ర‌ల్డ్ క‌ప్‌లో మెరుపు బ్యాటింగ్‌.. జాక్‌పాట్ కొట్టిన‌ న్యూజిలాండ్ ఓపెన‌ర్‌

Rachin Ravindra : వ‌న్డే వ‌ర‌ల్డ్ క‌ప్‌లో మెరుపు బ్యాటింగ్‌తో ఆక‌ట్టుకుంటున్న న్యూజిలాండ్ యువ ఓపెన‌ర్ ర‌చిన్ రవీంద్ర‌(Rachin Ravindra) జాక్‌పాట్ కొట్టాడు. సుడిగాలి ఇన్నింగ్స్‌లు ఆడుతున్న‌ ఈ లెఫ్ట్‌హ్యాండ‌ర్ మ‌ళ్లీ టెస్టు జ‌ట్టుకి...

Rachin Ravindra : వ‌న్డే వ‌ర‌ల్డ్ క‌ప్‌లో మెరుపు బ్యాటింగ్‌తో ఆక‌ట్టుకుంటున్న న్యూజిలాండ్ యువ ఓపెన‌ర్ ర‌చిన్ రవీంద్ర‌(Rachin Ravindra) జాక్‌పాట్ కొట్టాడు. సుడిగాలి ఇన్నింగ్స్‌లు ఆడుతున్న‌ ఈ లెఫ్ట్‌హ్యాండ‌ర్ మ‌ళ్లీ టెస్టు జ‌ట్టుకి ఎంపిక‌య్యాడు. ప్ర‌పంచ క‌ప్ త‌ర్వాత బంగ్లాదేశ్‌(Bangladesh)తో రెండు టెస్టుల సిరీస్ కోసం న్యూజిలాండ్ క్రికెట్(Newzealand Cricket) ర‌వీంద్ర‌తో పాటు స్పిన్న‌ర్ మిచెల్ శాంట్న‌ర్‌ను సెలెక్ట్ చేసింది.

సీనియ‌ర్ పేస‌ర్ టిమ్ సౌథీ(Tim Southee) కెప్టెన్‌గా 15 మంది ఆట‌గాళ్ల జాబితాను మంగ‌ళ‌వారం న్యూజిలాండ్ క్రికెట్ విడుదల చేసింది. ర‌వీంద్ర నిరుడు స్వ‌దేశంలో బంగ్లాతో చివరి టెస్టు మ్యాచ్ ఆడాడు. వ‌ర‌ల్డ్ క‌ప్‌లో సంచ‌ల‌న బ్యాటింగ్ చేస్తున్న అత‌డు ప్ర‌పంచ టెస్టు చాంపియ‌న్(WTC) రేసులో కివీస్‌కు కీల‌కం కానున్నాడు. టెస్టు సిరీస్ కోసం న్యూజిలాండ్ జ‌ట్టు న‌వంబ‌ర్ 21న బంగ్లాదేశ్‌కు బ‌య‌లుదేర‌నుంది.

The squad for the team’s first series of the new @ICC World Test Championship cycle starting in Bangladesh later this month. Tests against @BCBtigers in Sylhet and Dhaka. More | https://t.co/8btzFtKGQH #BANvNZ pic.twitter.com/bxvtZ81BdA

— BLACKCAPS (@BLACKCAPS) November 6, 2023

కివీస్ టెస్టు స్క్వాడ్ :  టిమ్ సౌథీ(కెప్టెన్‌), కేన్ విలియ‌మ్స‌న్, టామ్ బండెల్‌(వికెట్ కీప‌ర్), డెవాన్ కాన్వే, మ్యాట్ హెన్రీ, కైలీ జేమీస‌న్, టామ్ లాథ‌మ్, డారిల్ మిచెల్, హెన్రీ నికోల్స్, అజాజ్ ప‌టేల్, గ్లెన్ ఫిలిఫ్స్, ర‌చిన్ ర‌వీంద్ర‌, మిచెల్ శాంట్న‌ర్, ఇష్ సోధీ, విల్ యంగ్‌.

కివీ ఓపెన‌ర్ ర‌చిన్ భార‌త్ ఆతిథ్యం ఇస్తున్న మోగా టోర్నీలో ప‌రుగుల వ‌ర‌ద పారిస్తున్నాడు. ఆరంగేట్రం వ‌ర‌ల్డ్ క‌ప్‌లో ఇప్ప‌టికే మూడు శ‌త‌కాల‌తో దిగ్గ‌జాల ప్ర‌శంస‌లు పొందాడు. 8 ఇన్నింగ్స్‌ల్లో మూడు సెంచ‌రీలతో క‌లిపి 523 ప‌రుగులు కొట్టాడు. అంతేకాదు బంతితోనూ రాణిస్తూ కివీస్‌కు కొండంత అండ‌గా నిలుస్తున్నాడు. 2019లో ర‌న్న‌ర‌ప్‌తో స‌రిపెట్టుకున్న బ్లాక్‌కాప్స్ ఈసారి టోర్నీని ఘ‌నంగా ఆరంభించింది. అయితే.. భార‌త్, ద‌క్షిణాఫ్రికా చేతిలో వ‌రుస ఓట‌ముల‌తో సెమీస్ రేసులో వెన‌క‌బ‌డింది. చావోరేవో మ్యాచ్‌లో బెంగ‌ళూరులో న‌వంబ‌ర్ 9న శ్రీ‌లంక‌తో త‌ల‌ప‌డ‌నుంది.

ఇవి కూడా చ‌ద‌వండి

• Womens Hockey Team | భార‌త మ‌హిళ‌ల‌ హాకీ జ‌ట్టుకు రివార్డు.. ఒక్కొక్క‌రికి రూ.3 ల‌క్ష‌లు

• Bay of Bengal | బంగాళాఖాతంలో భూకంపం.. అండమాన్‌ తీరానికి పోటెత్తిన అలలు