e-Paper

Advertisement

E-Paper

Apps

Book Your Copy

Visit Telangana Today

Saturday, September 25, 2021
Home News PV Sindhu: బ్రాంజ్ గెలుస్తుందా? చైనా ప్ర‌త్య‌ర్థిపై ఆమె రికార్డ్ ఏంటి?

PV Sindhu: బ్రాంజ్ గెలుస్తుందా? చైనా ప్ర‌త్య‌ర్థిపై ఆమె రికార్డ్ ఏంటి?

టోక్యో: ఒలింపిక్స్‌లో గోల్డ్ మెడ‌ల్ గెల‌వాల‌న్న స్టార్ ష‌ట్ల‌ర్ పీవీ సింధు (PV Sindhu) ఆశ‌లు నెర‌వేర‌లేదు. సెమీస్‌లో వ‌ర‌ల్డ్ నంబ‌ర్ వ‌న్ తాయ్ జు చేతిలో వ‌రుస గేమ్స్‌లో ఆమె ఓడిపోయిన సంగ‌తి తెలుసు క‌దా. ఈ మెగా ఈవెంట్‌లో టాప్ ఫామ్‌లో ఉన్న సింధు.. వ‌రుస‌గా నాలుగు మ్యాచ్‌ల‌ను ఒక్క గేమ్ కూడా కోల్పోకుండా గెల‌వ‌డంతో సెమీస్‌లో భారీ అంచ‌నాల మ‌ధ్య బ‌రిలోకి దిగింది. కానీ వ‌రల్డ్ నంబ‌ర్ వ‌న్ అటాకింగ్ గేమ్ ముందు నిల‌వ‌లేక‌పోయింది. ఇక ఆదివారం ఆమె బ్రాంజ్ మెడ‌ల్ కోసం త‌ల‌ప‌డుతోంది. ఈ మ్యాచ్‌లో సింధు ప్ర‌త్య‌ర్థి చైనాకు చెందిన హి బింగ్జియావో. మ‌రి ఆమెను సింధు ఓడించి క‌నీసం బ్రాంజ్ అయినా గెలుస్తుందా? ఇప్ప‌టి వ‌ర‌కూ బింగ్జియావోపై సింధు రికార్డు ఎలా ఉంది?

బింగ్జియావోదే పైచేయి

- Advertisement -

సింధు వ‌రుస‌గా త‌న రెండో ఒలింపిక్ మెడ‌ల్ కోసం చూస్తుండ‌గా.. ప్ర‌త్య‌ర్థి బింగ్జియావో త‌న తొలి మెడ‌ల్ కోసం ఆరాట‌ప‌డుతోంది. అయితే ఈ మ్యాచ్‌కు ముందు రికార్డు చూసుకుంటే చైనా ప్లేయ‌ర్‌దే పైచేయిగా క‌నిపిస్తోంది. ఇప్ప‌టి వ‌ర‌కూ ఈ ఇద్ద‌రూ 15సార్లు త‌ల‌ప‌డ‌గా 9సార్లు బింగ్జియావో, 6సార్లు సింధు గెలిచింది. ఒక‌ద‌శ‌లో సింధుపై వ‌రుస‌గా నాలుగు మ్యాచ్‌లు గెలిచింది. అయితే 2019 వ‌ర‌ల్డ్ టూర్ ఫైన‌ల్స్‌లో సింధు 21-19, 21-19తో బింగ్జియావోపై గెలిచి ప‌రాజ‌యం ప‌రంప‌ర‌కు అడ్డుక‌ట్ట వేయ‌గ‌లిగింది. ప్ర‌స్తుతం సింధు 7వ ర్యాంక్‌లో, బింగ్జియావో 9వ ర్యాంక్‌లో ఉంది.

ఈ మ్యాచ్‌లో పైచేయి ఎవ‌రిది?

గ‌తంలో సింధు బ్యాక్‌హ్యాండ్‌పై ఎక్కువ‌గా ఆడేలా చేసి బింగ్జియావో పైచేయి సాధించింది. అయితే సింధు గ‌తేడాది ఈ బ‌ల‌హీన‌త‌పై దృష్టిసారించి దీనిని అధిగ‌మించింది. అలాగే ఈ మ‌ధ్య త‌న నెట్‌ప్లేను కూడా సింధు మెరుగుప‌ర‌చుకుంది. మ‌రోవైపు ఈ మ్యాచ్‌కు ముందు బింగ్జియావో రెండు వ‌రుస మ్యాచ్‌ల‌లో మూడేసి గేమ్‌లు త‌ల‌ప‌డి అల‌సిపోయింది. ఈ మ్యాచ్ కూడా మూడు గేమ్‌ల పాటు సాగితే ఆమె పూర్తి సామ‌ర్థ్యం మేరకు ఆడ‌క‌పోవ‌చ్చు. ఈ అంశాలు సింధుకు క‌లిసివచ్చే అవ‌కాశాలు ఉన్నాయి. ఈ మ్యాచ్ ఆదివారం సాయంత్రం 5 గంట‌ల‌కు ప్రారంభం కానుంది. దూర్‌ద‌ర్శ‌న్‌, సోనీ సిక్స్‌లో లైవ్ చూడొచ్చు.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana