IND vs BAN | పంత్, పాండ్యా మెరుపులు.. బంగ్లాదేశ్ ల‌క్ష్యం ఎంతంటే..?

IND vs BAN : బంగ్లాదేశ్‌తో జ‌రుగుతున్న‌ ఏకైక‌ వామ‌ప్ మ్యాచ్‌లో రిష‌భ్ పంత్(53 : 32 బంతుల్లో 4 ఫోర్లు, 4 సిక్సర్లు) మెరుపు హాఫ్ సెంచ‌రీతో బాద‌గా.. వైస్ కెప్టెన్ హార్దిక్ పాండ్యా(40 నాటౌట్) సిక్స‌ర్ల మోత మోగించాడు.

IND vs BAN : పొట్టి వ‌ర‌ల్డ్ క‌ప్ వేట‌కు సిద్ద‌మైన‌ భార‌త క్రికెట‌ర్లు(Indian Cricketers)న్యూయార్క్ గ‌డ్డ‌పై దంచికొట్టారు. బంగ్లాదేశ్‌తో జ‌రుగుతున్న‌ ఏకైక‌ వామ‌ప్ మ్యాచ్‌లో రిష‌భ్ పంత్(53 : 32 బంతుల్లో 4 ఫోర్లు, 4 సిక్సర్లు) మెరుపు హాఫ్ సెంచ‌రీతో బాద‌గా.. వైస్ కెప్టెన్ హార్దిక్ పాండ్యా(40 నాటౌట్) సిక్స‌ర్ల మోత మోగించాడు. మిస్ట‌ర్ 360 సూర్య‌కుమార్ యాద‌వ్‌(31)సైతం తుఫాన్ ఇన్నింగ్స్ ఆడాడు. దాంతో టీమిండియా నిర్ణీత ఓవ‌ర్లో 6 వికెట్ల నష్టానికి 182 ర‌న్స్ కొట్టింది.

టాస్ గెలిచిన భార‌త్ బ్యాటింగ్ తీసుకోగా.. రోహిత్ శ‌ర్మ (23) జ‌త‌గా సంజూ శాంస‌న్(1) ఇన్నింగ్స్ ఆరంభించాడు. అయితే.. రెండో ఓవ‌ర్లోనే సంజూను షొరిఫుల్ ఇస్లాం ఎల్బీగా వెన‌క్కి పంపాడు. ఆ త‌ర్వాత పంత్ త‌న‌దైన శైలిలో రెచ్చిపోయాడు. ష‌కీబుల్ హ‌స‌న్ వేసిన ఆరో ఓవ‌ర్లో మూడు సిక్స‌ర్ల‌తో జ‌ట్టు స్కోర్ 50 దాటించాడు. హిట్‌మ్యాన్ స్వ‌ల్ప స్కోర్‌కే పెవిలియ‌న్ చేరినా పంత్ త‌న దూకుడు ఆప‌లేదు.. ఆ త‌ర్వాత వ‌చ్చిన సూర్య‌కుమార్ యాద‌వ్‌(31)తో కీల‌క భాగ‌స్వామ్యం నెల‌కొల్పాడు. వీళ్లిద్ద‌రి విధ్వంసంతో 10 ఓవ‌ర్ల‌కే 92 కొట్టిన‌ భార‌త్ భారీ స్కోర్ దిశ‌గా ప‌య‌నించింది.

An explosive half-century comes 🆙 for @RishabhPant17 😎

4⃣ sixes in his knock so far 💥

💯 comes up for #TeamIndia

Follow the Match ▶️ https://t.co/EmJRUPmJyn#T20WorldCup pic.twitter.com/eoceh4Z1nB

— BCCI (@BCCI) June 1, 2024

రెచ్చిపోయిన పాండ్యా

ష‌కీబుల్ హ‌స‌న బౌలింగ్‌లో బౌండ‌రీతో అర్ధ సెంచ‌రీ పూర్తి చేసుకున్న పంత్ డగౌట్‌కు వెళ్ల‌గా.. ఐపీఎల్‌లో సిక్స‌ర్ల వర్షం కురిపించిన‌ శివం దూబే(14) క్రీజులోకి వ‌చ్చాడు. అయితే.. ఒకే సిక్స‌ర్ కొట్టిన దూబే నిరాశ‌ప‌ర‌చ‌గా.. హార్దిక్ పాండ్యా(40 నాటౌట్) ప‌వ‌ర్ స్ట్రోక్‌తో రెచ్చిపోయాడు. త‌న్వీర్ ఇస్లాం వేసిన 17వ ఓవ‌ర్‌లో హ్యాట్రిక్ సిక్సర్లు బాదాడు. అదే ఓవ‌ర్లో సూర్య బౌండ‌రీ వ‌ద్ద క్యాచ్ ఇచ్చి వెనుదిరగగా.. తొలి బంతికే ర‌వీంద్ర జ‌డేజా(4 నాటౌట్) స్టంపౌట్ త‌ప్పించుకున్నాడు. ఆరో వికెట్‌కు పాండ్యా, జ‌డ్డూలు 23 ర‌న్స్ జోడించి జ‌ట్టు స్కోర్ 180 దాటించారు. బంగ్లా బౌల‌ర్ల‌లో హెహిదీ హ‌స‌న్, షొరిఫుల్ ఇస్లాం, త‌న్వీర్ ఇస్లాం, మ‌హ్మ‌దుల్లా త‌లొక‌ వికెట్ ప‌డ‌గొట్టారు.