IPL 2024 DC vs CSK వైజాగ్లో జరుగుతున్న ఐపీఎల్ డబుల్ హెడర్లో ఢిల్లీ క్యాపిటల్స్ భారీ స్కోర్ చేసింది. కెప్టెన్ రిషభ్ పంత్(13), చిచ్చరపిడుగు డేవిడ్ వార్నర్(52)లు అర్ధ శతకాలతో విరుచుకుపడ్డారు. ఈ సీజన్లో తొలి మ్యాచ్ ఆడతున్న పృథ్వీ షా(43) తన మార్క్ షాట్లతో అలరించాడు. దాంతో, ఢిల్లీ 5 వికెట్ల నష్టానికి 191 పరుగులు చేసింది. సీఎస్కే బౌలర్లలో పథిరన రెండు వికెట్లు పడగొట్టాడు.
టాస్ గెలిచి బ్యాటింగ్కు దిగిన ఢిల్లీకి ఓపెనర్లు డేవిడ్ వార్నర్(52), పృథ్వీ షా(43)లు శుభారంభమిచ్చారు. ఏ పొరపాటుకు తావివ్వకుండా తొలి వికెట్కు 93 రన్స్ జోడించారు. ఈ జోడీని ముస్తాఫిజుర్ విడదీశాడు. ఆ కాసేపటికే జడేజా ఓవర్లో షా.. ధోనీకి చిక్కాడు. మార్ష్(18)ను పథిరన సూపర్ యార్కర్తో బౌల్డ్ చేయడంతో ఢిల్లీ స్కోర్ నెమ్మదించింది.
Innings Break ‼️
A strong start and finish help @DelhiCapitals set #CSK a target of 1️⃣9️⃣2️⃣👏
An exciting second half coming 🔜
Scorecard ▶️ https://t.co/8ZttBSkfE8#TATAIPL | #DCvCSK pic.twitter.com/KgrGNGQV6w
— IndianPremierLeague (@IPL) March 31, 2024
అయితే.. కెప్టెన్ పంత్ ఎంటరయ్యాక ఢిల్లీ స్కోర్ బోర్డు పరుగులెత్తింది. పథిరణ వేసిన 19వ ఓవర్లో పంత్ చితక్కొట్టాడు. వరుసగా 6,4,4, బాది అర్ధ శతకం సాధించాడు. పునరాగమనం తర్వాత ఫామ్ చాటుకున్న పంత్కు ఇది తొలి ఫిఫ్టీ కావడం విశేషం. నాలుగో బంతికి భారీ షాట్ ఆడబోయిన పంత్.. గైక్వాడ్ చేతికి చిక్కాడు. ఆ తర్వాత అభిషేక్ పొరెల్(9 నాటౌట్), అక్షర్ పటేల్(7 నాటౌట్)లు జట్టు స్కోర్ 190 దాటించారు.