IND vs SLXI | ప‌డిక్క‌ల్ భారీ శ‌త‌కం.. జ‌డ్డూ, సుతార్ జోరుతో కుదేలైన లంక బౌల‌ర్లు..!

IND vs SLXI : మూడు రోజుల వామ‌ప్ మ్యాచ్‌లో ప్ర‌ధాన ఆట‌గాళ్లు విఫ‌ల‌మైనా దేవ్‌ద‌త్ ప‌డిక్కల్(142 నాటౌట్ ) భారీ శ‌త‌కంతో రెచ్చిపోయాడు.

August 8, 2026 / 06:26 PM IST

IND vs SLXI | ప‌డిక్క‌ల్ భారీ శ‌త‌కం.. జ‌డ్డూ, సుతార్ జోరుతో కుదేలైన లంక బౌల‌ర్లు..!

IND vs SLXI : శ్రీ‌లంకతో టెస్టు సిరీస్‌కు స‌న్నాహ‌క మ్యాచ్‌లో భార‌త జ‌ట్టు ఆదిలో త‌డ‌బ‌డినా చివ‌ర‌కు నిల‌బడింది. మూడు రోజుల వామ‌ప్ మ్యాచ్‌లో ప్ర‌ధాన ఆట‌గాళ్లు విఫ‌ల‌మైనా దేవ్‌ద‌త్ ప‌డిక్కల్(142 నాటౌట్ ) భారీ శ‌త‌కంతో రెచ్చిపోయాడు. కేఎల్ రాహుల్‌(41), ర‌వీంద్ర జ‌డేజా(63 రిటైర్డ్ హ‌ర్ట్)ల‌తో కీల‌క భాగ‌స్వామ్యం నెల‌కొల్పిన ప‌డిక్క‌ల్.. ఆఖ‌రి ఓవ‌ర్ వ‌ర‌కూ క్రీజునంటుకుపోయాడు. మాన‌వ్ సుతార్‌(41) సైతం గొప్ప‌గా ఆడ‌డంతో టీమిండియాను ఆలౌట్ చేయాల‌నుకున్న లంక బౌల‌ర్ల ఆశలు ఆవిర‌య్యాయి.

వామ‌ప్ మ్యాచ్‌లో భార‌త బ్యాట‌ర్ దేవ్‌ద‌త్ ప‌డిక్క‌ల్‌((142 నాటౌట్) శ‌త‌కంతో భారీ స్కోరందించాడు. ఓపెన‌ర్ య‌శ‌స్వీ జైస్వాల్(0) డ‌కౌటైన త‌ర్వాత క్రీజులోకి వ‌చ్చిన ప‌డిక్క‌ల్ మూడో స్థానంలో నేను ఆడ‌గ‌ల‌ను అని చాటుకుంటూ శ‌త‌కంతో చెల‌రేగాడు. కేఎల్ రాహుల్‌(40), ర‌వీంద్ర జడేజా(63 రిటైర్డ్ హ‌ర్ట్)ల‌తో క‌లిసి కీల‌క భాగ‌స్వామ్యాలు నెల‌కొల్పిన ఈ కుర్రాడు లంక బౌల‌ర్ల‌ను విసిగించాడు.

Devdutt Padikkal retires out after a brisk hundred 💯 https://t.co/Op7xeuVSjO pic.twitter.com/oTrDE7mIqm

— Cricinfo (@cricinfo) August 8, 2026

పంత్‌, జురెల్ ఫ్లాప్

య‌శ‌స్వీ వికెట్ అనంత‌రం రాహుల్, ప‌డిక్క‌ల్ దూకుడుగా ఆడారు. అర్ధ శ‌త‌క భాగ‌స్వామ్యంతో లంక బౌల‌ర్ల స‌హ‌నాన్ని ప‌రీక్షించిన ఈ ద్వ‌యాన్ని కేశ‌ర నువాంత‌(1-40) విడ‌దీశాడు. ఆ త‌ర్వాత వ‌చ్చిన‌ రిష‌భ్ పంత్‌(2), ధ్రువ్ జురెల్(1) లు విఫ‌ల‌మైన చోట క్రీజునంటుకున్న ప‌డిక్క‌ల్ ఒత్తిడికి లోన‌వ్వ‌కుండా స్కోర్ బోర్డును న‌డిపించాడు. ఆఖ‌ర్లో మాన‌వ్ సుతార్‌(41) సైతం రాణించ‌గా భార‌త్ స్కోర్ దాటింది.

Fifty Partnership 🆙 for the third wicket!

Devdutt Padikkal 🤝 Ravindra Jadeja#TeamIndia move to 146/2, trail by 217 runs

Updates ▶️ https://t.co/g7rdlUUjY2 pic.twitter.com/YZwQgTWVBg

— BCCI (@BCCI) August 8, 2026

అనంత‌రం గుర్నూర్ బ్రార్‌(36 నాటౌట్) జ‌త‌గా లంక ఎక్స్ఐ బౌల‌ర్ల‌ను కాచుకున్న ప‌డిక్క‌ల్ అజేయంగా నిలిచాడు. దాంతో, రెండో రోజు ఆట ముగిసే స‌రికి టీమిండియా 6 వికెట్ల న‌ష్టానికి 357 ప‌రుగులు చేసింది. తొలి ఇన్నింగ్స్‌లో ఇంకా 6 ర‌న్స్ వెన‌క‌బ‌డి ఉందంతే. మొద‌ట బ్యాటింగ్ చేసిన లంక 363-8 వ‌ద్ద ఇన్నింగ్స్ డిక్లేర్ చేసింది. ఆదివారం ఆఖ‌రి రోజు కావ‌డంతో వామ‌ప్ మ్యాచ్ డ్రాగా ముగియ‌డం ఖాయం.

Join Our Whatsapp Channel