రాష్ట్రంలో తగ్గిన విద్యుత్తు డిమాండ్
రాష్ట్ర విద్యుత్తు అవసరాలను తీర్చడంలో కీలకపాత్ర పోషిస్తున్న థర్మల్ విద్యుత్తు ప్లాంట్లు ప్రస్తుతం విశ్రాంతి తీసుకుంటున్నాయి. రాష్ట్రంలో గత కొన్ని రోజుల నుంచి విద్యుత్తు డిమాండ్ తగ్గడంతో వీటిని బ్యాక్డౌన్ చేస్తున్నారు.
- థర్మల్ ప్లాంట్లలో 2,090 మెగావాట్ల ఉత్పత్తి నిలిపివేత
హైదరాబాద్, నవంబర్ 20 (నమస్తే తెలంగాణ) : రాష్ట్ర విద్యుత్తు అవసరాలను తీర్చడంలో కీలకపాత్ర పోషిస్తున్న థర్మల్ విద్యుత్తు ప్లాంట్లు ప్రస్తుతం విశ్రాంతి తీసుకుంటున్నాయి. రాష్ట్రంలో గత కొన్ని రోజుల నుంచి విద్యుత్తు డిమాండ్ తగ్గడంతో వీటిని బ్యాక్డౌన్ చేస్తున్నారు. పలు కీలక ప్లాంట్లోల్లో ఉత్పత్తి నిలిపేస్తున్నారు. పక్షం రోజుల క్రితం వరకు రోజూ 24 గంటలపాటు పూర్తిలోడ్తో నడిచిన ఈ ప్లాంట్లను ఇప్పుడు సగం పూటే నడిపిస్తున్నారు. పగలంతా వాటికి విశ్రాంతినిచ్చి, రాత్రిపూటే విద్యుత్తు ఉత్పత్తి చేస్తున్నారు.
క్రమంగా తగ్గుతున్న సరఫరా
రాష్ట్రంలో జెన్కో థర్మల్ ప్లాంట్ల నుంచి విద్యుత్తు సరఫరా క్రమంగా తగ్గుతున్నది. నవంబర్ 2న అవి 108.30 మిలియన్ యూనిట్ల విద్యుత్తును అందించాయి. ఈ నెలలో ఇదే అత్యధికం. అప్పటి నుంచి సరఫరా క్రమంగా తగ్గుతున్నది. ఈ నెల 16న థర్మల్ప్లాంట్లల్లో 100.34 మిలియన్ యూనిట్ల విద్యుత్తు ఉత్పత్తి అయ్యింది. ప్రస్తుతం డిమాండ్ తగ్గడం, బహిరంగ మార్కెట్లో చౌకగా విద్యుత్తు లభిస్తుండటంతో ఉత్పత్తిని తగ్గించి, కొనుగోళ్లకు ప్రాధాన్యమిస్తున్నారు. గత కొన్ని రోజుల నుంచి సగటున 60 నుంచి 83 మిలియన్ యూనిట్ల విద్యుత్తు కొనుగోలు చేస్తున్నారు.
పలు యూనిట్లలో మరమ్మతులు
భూపాలపల్లిలోని కాకతీయ థర్మల్ పవర్ ప్లాంట్లో వార్షిక ఓవర్హాలింగ్ పనుల కోసం యూనిట్-1 నిలిపివేశారు. దీంతో 500 మెగావాట్ల ఉత్పత్తి ఆగిపోయింది. భదాద్రి థర్మల్ ప్లాంట్లోని యూనిట్-1, యూనిట్-3లో మరమ్మతు పనులు నడుస్తున్నాయి. కొత్తగూడెం థర్మల్ పవర్ ప్లాంట్లో 250 మెగావాట్ల సామర్థ్యం కలిగిన యూనిట్-10, యాదాద్రి థర్మల్ ప్లాంట్లోని యూనిట్-3కు కూడా మరమ్మతులు చేస్తున్నారు. దీంతో మొత్తం 2,090 మెగావాట్ల విద్యుత్తు ఉత్పత్తి బ్రేకులు పడ్డాయి.
భారీగా తగ్గిన వినియోగం
రాష్ట్రంలో విద్యుత్తు వినియోగం అమాం తం పడిపోయింది. వరి కోతలు ముగియడం, వ్యవసాయ వినియోగం తగ్గడం, వాతావరణంలో మార్పులు ప్రభావం చూపుతున్నా యి. గత నెల 340 మిలియన్ యూనిట్లుగా ఉన్న రోజువారీ విద్యుత్తు వినియోగం ఈ నెల 18 నాటికి 235.48 మిలియన్ యూనిట్లకు తగ్గింది. ఈ నెల 15న కేవలం 225.60 మిలియన్ యూనిట్ల విద్యుత్తు మాత్రమే వినియోగమైంది. ఈ నెలలో ఇదే కనిష్ఠం.

Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

