Ollie Pope : భారత్తో ఉప్పల్ స్టేడియంలో జరుగుతున్న తొలి టెస్టులో ఇంగ్లండ్ మిడిలార్డర్ బ్యాటర్ ఓలీ పోప్(Ollie Pope) సెంచరీతో కదం తొక్కాడు. భారత గడ్డపై ఏమంత గొప్ప రికార్డు లేని అతడు బజ్ బాల్(Buzz Ball) ఆటను గుర్తు చేస్తూ వీరోచిత ఇన్నింగ్స్ బాదాడు. టెస్టుల్లో ఐదో శతకం ఖాతాలో వేసుకున్నాడు.
. గతంలో తన అత్యధిక స్కోర్ను అధిగమిస్తూ శతక గర్జన చేశాడు. జడేజా బౌలింగ్లో మూడు పరుగులు తీసి మూడంకెల స్కోర్ సాధించాడు. టీమిండియాపై తొలి సెంచరీ నమోదు చేశాడు. ప్రస్తుతం 128 పరుగులతో ఆడుతున్న పోప్ ఇంగ్లండ్ ఆధిక్యాన్ని మరింత పెంచేందుకు ప్రయత్నిస్తున్నాడు.
Ollie Pope’s previous highest Test score in India was 34 – this has been pure quality today in Hyderabad 👏https://t.co/WzuwYpQ2Rp | #INDvENG pic.twitter.com/Tx8E5PvGS4
— ESPNcricinfo (@ESPNcricinfo) January 27, 2024
జట్టు స్కోర్ 113 పరుగుల వద్ద క్రీజులోకి వచ్చిన పోప్.. ఓవైపు వికెట్లు పడుతున్నా పట్టుదలతో ఆడాడు. బమ్రా యార్కర్కతో హడెల్తించినా ఓపికగా ఆడిన పోప్ క్రీజులో కుదురుకున్నాక తనదైన షాట్లతో విరుచుకుపడ్డాడు. దాంతో, భారత కెప్టెన్ రోహిత్ శర్మ బౌలర్లను మార్చినా ప్రయోజనం లేకపోయింది.
An excellent ton to keep England alive in this match!
Ollie Pope brings up the first 💯 of the series! 🙌https://t.co/WzuwYpQ2Rp | #INDvENG pic.twitter.com/YOnuuXolOS
— ESPNcricinfo (@ESPNcricinfo) January 27, 2024
విధ్వంసక సెంచరీతో ఇంగ్లండ్కు ఇన్నింగ్స్ పరాభవాన్ని తప్పించడమే కాకుండా.. ఆరో వికెట్కు బెన్ ఫోక్స్(34)తో కలిసి 112 పరుగుల భాగస్వామ్యం నెలకొల్పాడు. దాంతో, ఇంగ్లండ్ 85 పరుగుల ఆధిక్యంలోకి వెళ్లింది. అయితే.. మరో ఎండ్లో పాతుకుపోయిన ఫోక్స్ను అక్షర్ పటేల్ బోల్తా కొట్టించాడు. దాంతో, ఇంగ్లండ్ 276 వద్ద ఆరో వికెట్ కోల్పోయింది.