హైదరాబాద్, నమస్తే తెలంగాణ: ప్రపంచ బాక్సింగ్ చాంపియన్ నిఖత్ జరీన్పై టీఎస్పీఎస్సీ చైర్మన్ జనార్దన్రెడ్డి ప్రశంసలు కురిపించారు. భారత జాతి ముద్దుబిడ్డ నిఖత్ అంటూ పేర్కొన్నారు. శనివారం జరీన్ను ఘనంగా సన్మానించిన ఆయన మాట్లాడుతూ ‘ప్రతిష్ఠాత్మక ప్రపంచ బాక్సింగ్ టోర్నీలో స్వర్ణ పతకం గెలువడం ద్వారా నిఖత్ రాష్ట్ర ఖ్యాతిని మరింత ఇనుమడింపజేసింది. ఆమె మానసిక దృఢత్వం, తెగువ నేటి యువతులకు ఆదర్శం. మధ్యతరగతి కుటుంబంలో పుట్టి ప్రపంచానికి సత్తా ఏంటో చూపెట్టిన తీరు గర్వించదగ్గది’ అని అన్నారు. అమ్మాయి అని చిన్నచూపు చూడకుండా ప్రపంచ చాంపియన్గా తీర్చిదిద్దిన నిఖత్ తండ్రి మహమ్మద్ జమీల్ను జనార్దన్రెడ్డి ప్రత్యేకంగా అభినందించారు.