Naomi Osaka : మాజీ వరల్డ్ నంబర్ 1 నవామి ఒసాకా(Naomi Osaka) పునరాగమనంలో బోణీ కొట్టింది. ఆస్ట్రేలియాలో జరుగుతున్న బ్రిస్బేన్ ఇంటర్నేషనల్ (Brisbane International) తొలి రౌండ్లో విజయం సాధించింది. జర్మనీకి చెందిన తమర కొర్పట్స్చ్(Tamara Korpatsch) పై 603, 7-6(9)తో అలవోకగా గెలుపొందింది.
రెండుసార్లు ఆస్ట్రేలియా ఓపెన్, ఒకసారి యూఎస్ ఓపెన్ విజేతగా నిలిచిన ఈ జపాన్ క్రీడాకారిణి తొలి సెట్ నుంచే జోరు చూపించింది. రెండో సెట్లోనూ ధాటిగా ఆడి తమరపై పైచేయి సాధించింది. మ్యాచ్ సమయంలో చాలా నెర్వస్గా ఫీలయ్యా అని మ్యాచ్ అనంతరం 26 ఏండ్ల ఒసాకా తెలిపింది.
Back in a big way 😍@naomiosaka wins her first match in 15 months, overcoming Tamara Korpatsch, 6-3 7-6(9) 💪#BrisbaneTennis pic.twitter.com/qUYgtRQI2h
— Brisbane International (@BrisbaneTennis) January 1, 2024
కెరీర్లోనే సూపర్ ఫామ్లో ఉన్న ఒసాకా 2022 ఆస్ట్రేలియన్ ఓపెన్ నుంచి వైదొలిగింది. గర్భం దాల్చడంతో ఆట నుంచి విరామం తీసుకుంది. అదే ఏడాది జూలైలో షై(Shai) అనే ఆడబిడ్డకు ఒసాకా జన్మనిచ్చింది. 2023 నవంబర్లో మళ్లీ రాకెట్ పట్టిన ఆమె బ్రిస్బేన్ ఇంటర్నేషనల్తో పునరాగమనం చేసింది. ఈ జపాన్ సంచలనం వచ్చే ఏడాది ఆస్ట్రేలియన్ ఓపెన్లో ఫేవరేట్ బరిలోకి దిగనుంది. ఈసారి ఆమెకు నంబర్ 1 ఇగా స్వియాటెక్, అరినా సబలెంక, ఎలెనా రిబాకినాతో గట్టి పోటీ ఎదురవ్వనుంది.