IPL 2024 DC vs CSK | ముకేశ్ హ్యాట్రిక్ మిస్.. ఐదు వికెట్లు కోల్పోయిన చెన్నై

IPL 2024 DC vs CSK : భారీ ఛేద‌న‌లో మాజీ చాంపియన్ చెన్నై చెన్నై సూప‌ర్ కింగ్స్(chennai super kings) ఐదు వికెట్లు కోల్పోయింది. ముకేశ్ కుమార్ ఒకే ఓవ‌ర్లో రహానే(45), రిజ్వీల‌ను

IPL 2024 DC vs CSK : భారీ ఛేద‌న‌లో మాజీ చాంపియన్ చెన్నై చెన్నై సూప‌ర్ కింగ్స్ ఐదు వికెట్లు కోల్పోయింది. ముకేశ్ కుమార్ ఒకే ఓవ‌ర్లో రహానే(45), రిజ్వీల‌ను వెన‌క్కి పంపాడు. హ్యాట్రిక్ బంతిని జ‌డేజా(10) అడ్డుకున్నాడు. 15 ఓవర్ల‌కు స్కోర్.. 112/5 . సిక్సర్ల‌ శివం దూబే(16) క్రీజులో ఉండ‌డంతో స్పిన్న‌ర్ల‌ను కాద‌ని పంత్ పేస‌ర్లతో అటాక్ చేయిస్తున్నాడు.

చెన్నై విజ‌యానికి ఇంకా 30 బంతుల్లో 79 ప‌రుగులు కావాలి. గ‌త రెండు మ్యాచుల్లో నాటౌట్‌గా సీఎస్కేను గెలిపించిన దూబే, జ‌డేజా జోడీ పోరాడుతోంది. ఈ ఇద్ద‌రిలో ఒక‌రు ఔటైనా అభిమానుల‌కు ధోనీ బ్యాటింగ్ చూసే భాగ్యం ద‌క్క‌నుంది.

2️⃣ Wickets x Mukesh Kumar

Are #CSK in trouble or will they pull this off⁇ 🤔

Watch the match LIVE on @JioCinema and @StarSportsIndia 💻📱#TATAIPL | #DCvCSK | @DelhiCapitals pic.twitter.com/HiSMPwQCdE

— IndianPremierLeague (@IPL) March 31, 2024

తొలి ఓవ‌ర్లోనే రుతురాజ్ గైక్వాడ్‌(1)ను ఔట్ చేసిన ఖ‌లీల్ అహ్మ‌ద్ మ‌రోసారి దెబ్బ‌కొట్టాడు. ఫామ్‌లో ఉన్న ర‌చిన్ ర‌వీంద్ర‌(2)ను వెన‌క్కి పంపాడు. అత‌డి విజృంభ‌ణ‌తో ఒత్తిడిలో ప‌డిన సీఏస్కే 4 ఓవ‌ర్ల‌కు 13 ర‌న్స్ చేసిందంతే. ఆ ప‌రిస్థితుల్లో అనుభ‌వ‌జ్ఞుడైన‌ అజింక్యా ర‌హానే(45), డారిల్ మిచెల్‌(34)లు కీల‌క భాగ‌స్వామ్యం నిర్మించారు. ఇక చెన్నై గెలుపు భార‌త‌మంతా దూబే, జ‌డేజా, ధోనీల‌పైనే ఉంది.