MS Dhoni | యూఎస్ ఓపెన్‌ విజిట‌ర్స్ గ్యాల‌రీలో ధోనీ.. అభిమాన ఆట‌గాడి కోస‌మేనా..?

MS Dhoni : భార‌త మాజీ కెప్టెన్ మ‌హేంద్ర సింగ్ ధోనీ(MS Dhoni)కి అభిమానులు చాలామందే. ఈ మిస్ట‌ర్ కూల్ కెప్టెన్ ఎక్క‌డికి వెళ్లినా ఫ్యాన్స్ పోటెత్తుతారు. అలాంటిది అత‌ను మాత్రం త‌న అభిమాన ఆటగాడిని చూసేందుకు అమెరికా వెళ్లాడు. అక్క‌డ జ‌రుగుతున్న‌ యూఎస్ ఓపెన్(US Open 2023) విజిట‌ర్స్ గ్యాల‌రీలో...

MS Dhoni : భార‌త మాజీ కెప్టెన్ మ‌హేంద్ర సింగ్ ధోనీ(MS Dhoni)కి అభిమానులు చాలామందే. ఈ మిస్ట‌ర్ కూల్ కెప్టెన్ ఎక్క‌డికి వెళ్లినా ఫ్యాన్స్ పోటెత్తుతారు. అలాంటిది అత‌ను మాత్రం త‌న అభిమాన ఆటగాడిని చూసేందుకు అమెరికా వెళ్లాడు. అక్క‌డ జ‌రుగుతున్న‌ యూఎస్ ఓపెన్(US Open 2023) విజిట‌ర్స్ గ్యాల‌రీలో కూర్చొని వ‌ర‌ల్డ్ నంబ‌ర్ 1 కార్లోస్ అల్క‌రాజ్‌(Carlos Alcaraz) మ్యాచ్‌ను ఎంజాయ్ చేశాడు. అవును.. మోకాలి గాయం నుంచి కోలుకుంటున్న మ‌హీ నిన్న యూఎప్ ఓపెన్‌లో సంద‌డి చేశాడు.

త‌న ఫేవ‌రెట్ ప్లేయ‌ర్ అయిన అల్క‌రాజ్ గేమ్ చూసి మురిసిపోయాడు. నిరుడు కూడా ధోనీ ఈ స్పెయిన్ సంచ‌న‌లం గేమ్ చూసేందుకు అమెరికా వెళ్లాడు. దాంతో, ‘ఈ దిగ్గ‌జ క్రికెట‌ర్ అల్క‌రాజ్ ఫ్యాన్’ అంటూ సోష‌ల్ మీడియాలో కొంద‌రు కామెంట్లు పెడుతున్నారు.

The MS Dhoni cameo during the US Open Quarter Finals.pic.twitter.com/Dfys7nafpI

— Mufaddal Vohra (@mufaddal_vohra) September 7, 2023

మాజీ చాంపియ‌న్‌గా ఈ టోర్నీలో బ‌రిలోకి దిగిన అల్క‌రాజ్ దుమ్మురేపుతున్నాడు. నిన్న జ‌రిగిన పురుషుల సింగిల్స్ క్వార్టర్ ఫైన‌ల్లో అలెగ్జాండ‌ర్ జ్వెరెవ్‌(Alexander Zverev)ను ఓడించాడు. హోరాహోరీ జ‌రిగిన పోరులో 6-3, 6-2, 6-4తో జ్వెరెవ్‌ను మ‌ట్టి క‌రిపించి వ‌రుస‌గా రెండో సారి సెమీఫైన‌ల్లో అడుగుపెట్టాడు. ఫైన‌ల్ చేరి వ‌రుస‌గా రెండో టైటిల్ గెల‌వాల‌నుకుంటున్న అత‌డికి డానిల్ మెద్వెదేవ్‌(Daniil Medvedev) రూపంలో బ‌ల‌మైన ప్ర‌త్య‌ర్థి ఎదురుప‌డ‌నున్నాడు.

అల్క‌రాజ్‌, అలెగ్జాండ‌ర్ జ్వెరెవ్‌

భార‌త జ‌ట్టు గొప్ప కెప్టెన్ల‌లో ఒక‌డైన ధోనీ ఐపీఎల్‌లోనూ త‌డాఖా చూపిస్తున్నాడు. 16వ సీజ‌న్‌లో చెన్నై సూప‌ర్ కింగ్స్‌(chennai super kings)ను చాంపియ‌న్‌గా నిలిపాడు. గుజరాత్ టైటాన్స్‌తో ఫైన‌ల్‌కు ముందు గాయ‌ప‌డిన అత‌ను మోకాలి స‌ర్జ‌రీ చేయించుకున్నాడు. అయితే.. వ‌చ్చే ఏడాది మ‌హీ ఐపీఎల్‌లో ఆడ‌తాడా? లేదా? అనేది ఆస‌క్తిక‌రంగా మారింది.

ఇవి కూడా చ‌ద‌వండి

King’s Cup 2023 | భార‌త జ‌ట్టుకు షాక్.. కింగ్స్ క‌ప్ సెమీ-ఫైన‌ల్లో ఊహించ‌ని ఓట‌మి

Ishant Sharma | తండ్రి కాబోతున్న భార‌త పేస‌ర్‌.. శ్రీ‌మంతం వేడుక‌ వీడియో చూశారా..!