Visit:
అడిలైడ్: ఆస్ట్రేలియా బౌల‌ర్ మిచెల్ స్టార్క్ ఇర‌గ‌దీశాడు. భార‌త్‌తో అడిలైడ్‌లో జ‌రుగుతున్న డే అండ్ నైట్ టెస్టులో(AUSvIND).. కెరీర్ బెస్ట్ ప‌ర్ఫార్మెన్స్ ఇచ్చాడు. ఇండియా త‌న ఫ‌స్ట్ ఇన్నింగ్స్‌లో 180 ప‌రుగుల‌కే ఆలౌటైంది. అయితే స్టార్క్ 48 ప‌రుగులు ఇచ్చి ఆరు వికెట్ల‌ను త‌న ఖాతాలో వేసుకున్నాడు. అయితే ఇవాళ ఫ‌స్ట్ బాల్ నుంచే స్టార్క్ టాప్ గేర్‌లో ఉన్నాడు. ఇన్నింగ్స్ ప్రారంభ‌మైన తొలి బంతికే జైస్వాల్‌ను పెవిలియ‌న్‌కు పంపించాడు. స్టార్క్ స్వింగ్ బౌలింగ్‌ను ఎదుర్కోవ‌డంలో బ్యాటర్లు ఇబ్బందిప‌డ్డారు.
Nitish Kumar Reddy top-scores with 42 as #TeamIndia post 180 in the 1st innings.
Final Session of the day coming up.
Live ▶️ https://t.co/upjirQCmiV#AUSvIND pic.twitter.com/HEz8YiRHc0
— BCCI (@BCCI) December 6, 2024
టాస్ గెలిచి తొలుత బ్యాటింగ్ ఎంచుకున్న ఇండియాకు.. ఆసీస్ పేస‌ర్లు గ‌ట్టి షాక్ ఇచ్చారు. క్ర‌మ‌క్ర‌మంగా రోహిత్ సేన వికెట్ల‌ను కోల్పోయింది. తొలి సెష‌న్‌లో 82 ర‌న్స్‌కు నాలుగు వికెట్లు కోల్పోగా, రెండో సెష‌న్‌లో 98 ర‌న్స్ చేసి మిగితా ఆరు వికెట్ల‌ను కోల్పోయింది ఇండియా. కేవ‌లం 44.1 ఓవ‌ర్ల‌లోనే ఇండియా ఫ‌స్ట్ ఇన్నింగ్స్‌ను ముగించేసింది.
ఇండియ‌న్ బ్యాట‌ర్ల‌లో నితీశ్ కుమార్ రెడ్డి అత్య‌ధికంగా 42 ప‌రుగులు చేశాడు. రాహుల్ 37, గిల్ 31, పంత్ 21, అశ్విన్ 22 ర‌న్స్ చేశారు. స్టార్క్ ఆరు వికెట్లు తీసుకోగా, క‌మ్మిన్స్‌-బోలాండ్‌లు చెరి రెండేసి వికెట్ల‌ను త‌మ ఖాతాలో వేసుకున్నారు.
