Boxing Day Test | సెంచ‌రీ చేజార్చుకున్న మార్ష్.. భారీ ఆధిక్యం దిశ‌గా ఆస్ట్రేలియా

Boxing Day Test : స్వ‌దేశంలో పాకిస్థాన్‌తో జ‌రుగుతున్న‌ బాక్సిండ్ టెస్ట్‌(Boxing Day Test)లో ఆస్ట్రేలియా ప‌ట్టుబిగిస్తోంది. మూడో రోజు తొలి సెష‌న్‌లోనూ పాక్ను చుట్టేసిన ఆసీస్.. రెండో ఇన్నింగ్స్‌లో కి 187 ప‌రుగులు చేసింది. ఆదిలో త‌డ‌బ‌డినా తొలి టెస్టు హీరో మిచెల్ మార్ష్‌(95)...

December 28, 2023 / 02:43 PM IST

Boxing Day Test | సెంచ‌రీ చేజార్చుకున్న మార్ష్.. భారీ ఆధిక్యం దిశ‌గా ఆస్ట్రేలియా

Boxing Day Test : స్వ‌దేశంలో పాకిస్థాన్‌తో జ‌రుగుతున్న‌ బాక్సిండ్ టెస్ట్‌(Boxing Day Test)లో ఆస్ట్రేలియా ప‌ట్టుబిగిస్తోంది. మూడో రోజు తొలి సెష‌న్‌లోనూ పాక్ను చుట్టేసిన ఆసీస్.. రెండో ఇన్నింగ్స్‌లో కి 187 ప‌రుగులు చేసింది. ఆదిలో త‌డ‌బ‌డినా తొలి టెస్టు హీరో మిచెల్ మార్ష్‌(95), స్టీవ్ స్మిత్(50) హాఫ్ సెంచరీల‌తో క‌దం తొక్క‌డంతో కోలుకుంది. రోజు ఆట ముగిసే స‌రికి ఆసీస్ 6 వికెట్ల న‌ష్టానికి 187 ప‌రుగులు చేసింది.

ఫామ్‌లో ఉన్న స్మిత్‌ ఆట ముగుస్తుందన‌గా ఆఖ‌రి బంతికి షాహిన్ ఆఫ్రిది(Shaheen Afridi) బౌలింగ్‌లో ఔట‌య్యాడు. మొత్తంగా ఈ టెస్టులో కంగారూ జ‌ట్టు 241 ప‌రుగుల ఆధిక్యంలో ఉంది. దాంతో, మ్యాచ్ విజేత‌ను నిర్ణ‌యించేందుకు నాలుగో రోజు ఆట కీల‌కం కానుంది.

From 16-4, Australia recover at the MCG to finish with a decent lead at stumps!

Mitchell Marsh and Steven Smith put together a 153-run partnership, but both have now been dismissed 👉 https://t.co/o2UAnXbS93 #AUSvPAK pic.twitter.com/hxYJsXXbb7

— ESPNcricinfo (@ESPNcricinfo) December 28, 2023

ఓవ‌ర్‌నైట్ స్కోర్ 194/6తో మూడోరోజు ఇన్నింగ్స్ ఆరంభించిన పాక్‌ను ఆసీస్ సార‌థి క‌మిన్స్ దెబ్బ‌కొట్టాడు. అత‌డు ఐదు వికెట్లు తీయ‌డంతో సాద్ ష‌కీల్ సేన 264 ప‌రుగుల‌కే కుప్ప‌కూలింది. అనంత‌రం ఇన్నింగ్స్ మొదలెట్టిన కంగారూల‌కు స్పీడ్‌స్ట‌ర్ ఆఫ్రిది, మిర్ హంజా చుక్క‌లు చూపించారు. దాంతో ఆసీస్ టాప్ బ్యాట‌ర్లు ఖ‌వాజా(0), ల‌బూషేన్(4), వార్న‌ర్(6), ట్రావిస్ హెడ్(0) పెవిలియ‌న్‌కు క్యూ క‌ట్టారు. పీక‌ల్లోతు క‌ష్టాల్లో ప‌డిన జ‌ట్టును మార్ష్, స్మిత్ ఆదుకున్నారు.