ముంబైకి ఏడుపే.. కష్టపడి గెలిచిన లక్నో
ఐపీఎల్-17లో చెత్త ప్రదర్శనతో సతమతమవుతున్న ముంబై ఇండియన్స్కు మరోసారి భంగపాటు తప్పలేదు. లక్నో సూపర్ జెయింట్స్తో జరిగిన ‘లో స్కోరింగ్ థ్రిల్లర్'లో రాహుల్సేనదే పైచేయి అయింది.
- రాణించిన సూపర్ జెయింట్స్ బౌలర్లు
లక్నో : ఐపీఎల్-17లో చెత్త ప్రదర్శనతో సతమతమవుతున్న ముంబై ఇండియన్స్కు మరోసారి భంగపాటు తప్పలేదు. లక్నో సూపర్ జెయింట్స్తో జరిగిన ‘లో స్కోరింగ్ థ్రిల్లర్’లో రాహుల్సేనదే పైచేయి అయింది. లక్నో బౌలర్లు సమిష్టిగా రాణించడంతో.. తొలుత ముంబై నిర్ణీత 20 ఓవర్లలో 7 వికెట్ల నష్టానికి 144 పరుగులకే పరిమితమైంది. వధేరా 46) ఆ జట్టును ఆదుకున్నాడు. అనంతరం ఛేదనలో లక్నో సైతం కష్టమ్మీదే గెలిచింది. 19.2 ఓవర్లలో 6 వికెట్లు కోల్పోయి విజయాన్ని అందుకుంది. ‘మ్యాన్ ఆఫ్ ద మ్యాచ్’ స్టోయినిస్ (62) లక్నో విజయంలో కీలకపాత్ర పోషించాడు. లీగ్లో పది మ్యాచ్లు ఆడిన ముంబై ఏడు ఓటములు, మూడు విజయాలతో 9వ స్థానంలో ఉంది.
ముంబై దారుణంగా..
57/4. పటిష్టమైన బ్యాటింగ్ లైనప్ ఉన్న ముంబై పది ఓవర్లకు చేసిన స్కోరు అది. రోహిత్శర్మ (4), సూర్యకుమార్ (10), తిలక్ వర్మ (7), పాండ్యా(0) చేతులెత్తేయడంతో 5.2 ఓవర్లకే ముంబై 4 వికెట్లు కోల్పోయి 27 పరుగులు చేసింది. వధేరా ఆచితూచి ఆడి ఆ జట్టును ఆదుకోగా ఆఖర్లో డేవిడ్ ( 35 నాటౌట్) మెరుపులు మెరిపించకుంటే ముంబై పరిస్థితి మరింత ఘోరంగా ఉండేది.
లక్నో కష్టంగానే..
స్వల్ప లక్ష్యాన్ని ఛేదించే క్రమంలో లక్నో కూడా కష్టంగానే గెలుపు దిశగా సాగింది. తొలి ఓవర్లోనే ఆ జట్టు ఓపెనర్ అర్షిన్ కులకర్ణి వికెట్ కోల్పోయింది. కెఎల్ రాహుల్ (28) కూడా ఎక్కువసేపు క్రీజులో నిలవలేకపోయాడు. దీపక్ హుడా (18) మళ్లీ విఫలమయ్యాడు. కానీ చెన్నైతో మ్యాచ్లో సెంచరీతో చెలరేగిన స్టోయినిస్ లక్నోను మరోసారి ఆదుకున్నాడు. అయితే లక్నో విజయానికి 30 పరుగులు అవసరమనగా అతడు కూడా పెవిలియన్ చేరాడు. బదోని (6) సైతం రనౌట్ అయ్యాడు. కానీ పూరన్ (14 నాటౌట్), కృనాల్ (1 నాటౌట్) గెలుపు లాంఛనాన్ని పూర్తిచేశారు.
సంక్షిప్త స్కోర్లు
ముంబై: 20 ఓవర్లలో 144/7 (నెహాల్ 46, డేవిడ్ 35నాటౌట్, మోహ్సిన్ 2/36, నవీనుల్ 1/15)
లక్నో: 19.2 ఓవర్లలో 145/6 (స్టోయినిస్ 62, రాహుల్ 28, హార్దిక్ 2/26, నబీ 1/16)

Read Today's Latest Sports News in Telugu and Telugu News
RELATED ARTICLES
తాజా వార్తలు
Revanth vs Raja Gopal Reddy | రేవంత్ వర్సెస్ రాజగోపాల్.. రెండు రోజులుగా సీఎంను టార్గెట్ చేసిన కాంగ్రెస్ ఎమ్మెల్యే
Revanth Reddy | మొగోళ్లు బెల్ట్షాప్కు పోతే ఆడోళ్లు సభకు వచ్చిండ్రు.. ఇంటి పెద్దలను అవమానించేలా సీఎం రేవంత్ వ్యాఖ్యలు
5 లక్షల కోట్ల అవినీతి
‘సాగర్’ నోటీసుల్లో గందరగోళం
ప్రజల సొమ్ముతో రేవంత్ ఫుట్బాల్
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

