Lionel Messi | 25 ఏండ్ల న్యాప్కిన్‌కు 8 కోట్లు.. ఫుట్‌బాల్ దిగ్గ‌జ‌మా మ‌జాకా..?

Lionel Messi : ఫుట్‌బాల్ దిగ్గ‌జాల్లో ఒక‌డైన‌ లియోన‌ల్ మెస్సీ(Lionel Messi) ఆట‌కు ఫిదా అవ్వ‌ని అభిమానులుండ‌రు. ప్ర‌పంచ‌వ్యాప్తంగా అత‌డి ప‌దో నంబ‌ర్‌ జెర్సీల‌కు య‌మా క్రేజ్. తాజాగా మెస్సీకి చెందిన 25 ఏండ్ల నాటి ఒక న్యాప్కిన్‌ (Napkin) రికార్డు ధ‌ర ప‌లికింది.

Lionel Messi : ఫుట్‌బాల్ దిగ్గ‌జాల్లో ఒక‌డైన‌ లియోన‌ల్ మెస్సీ(Lionel Messi) ఆట‌కు ఫిదా అవ్వ‌ని అభిమానులుండ‌రు. ప్ర‌పంచ‌వ్యాప్తంగా అత‌డి ప‌దో నంబ‌ర్‌ జెర్సీల‌కు య‌మా క్రేజ్. అందుక‌నే ఖతార్‌లో జ‌రిగిన‌ ఫిఫా వ‌ర‌ల్డ్ క‌ప్‌(FIFA World Cup 2022)లో మెస్సీ ధ‌రించిన ఆరు జెర్సీలు ఈమ‌ధ్యే వేలంలో హాట్‌కేకుల్లా అమ్ముడుపోవ‌డం చూశాం. తాజాగా మెస్సీకి చెందిన 25 ఏండ్ల నాటి ఒక న్యాప్కిన్‌ (Napkin) రికార్డు ధ‌ర ప‌లికింది. 13 ఏండ్ల వ‌య‌సులో మెస్సీ బార్సిలోనా(Barcelona) క్ల‌బ్‌లో చేరిన రోజుకి సాక్ష్య‌మైన‌ క‌ర్చీఫ్ అది.

ఈ న్యాప్కిన్‌కు బ్రిట‌న్‌కు చెందిన వేలం కంపెనీ బొన్‌హ‌మ్స్ అమ్మ‌కానికి పెట్టింది. తెలుపు రంగులో ఉన్న ఆ న్యాప్కిన్‌పై నీలి అక్ష‌రాల్లో .. బార్సిలోనాతో మెస్సీ ప్రయాణం సుదీర్ఘంగా సాగాల‌ని అత‌డి తండ్రి జార్జ్ మెస్సీ అందులో పేర్కొన్నాడు. దాంతో, ఒక అభిమాని ఆ క‌ర్చీఫ్‌ను రూ.8 కోట్లకు సొంతం చేసుకున్నాడు. ఈ విష‌యం తెలిసిన అంద‌రూ మెస్సీనా మ‌జాకా?, ప్రపంచంలోనే అత్యంత ఖ‌రీదైన న్యాప్కిన్ ఇది అంటూ ఫ్యాన్స్ కామెంట్లు పెడుతున్నారు.

💰📄 The famous napkin that sealed Lionel Messi’s transfer to Barcelona has been officially sold for €890,000. 😳 pic.twitter.com/OhguxJ5wKB

— CentreGoals. (@centregoals) May 18, 2024

టీనేజ‌ర్‌గా బార్సిలోనాకు ఆడిన మెస్సీ.. 17 సీజ‌న్లు ఆ క్ల‌బ్‌తోనే కొన‌సాగాడు. ఆ త‌ర్వాత ప్యారిస్ సెయింట్ జ‌ర్మ‌నీ(PSG)కి మారిన మెస్సీ ప్ర‌స్తుతం ఇంట‌ర్ మియామి(Inter Miami) క్ల‌బ్‌కు ఆడుతున్నాడు. ఖ‌తార్‌లో 2022లో జ‌రిగిన ఫిఫా వ‌ర‌ల్డ్ క‌ప్‌తో మెస్సీ త‌న క‌ల‌ను నిజం చేసుకున్నాడు. హోరాహోరీగా సాగిన ఫైన‌ల్లో మెస్సీ సార‌థ్యంలోని అర్జెంటీనా.. ఫ్రాన్స్‌ను షూటౌట్‌లో 4-2తో ఓడించింది.

వ‌ర‌ల్డ్ క‌ప్ ట్రోఫీతో మెస్సీ, అర్జెంటీనా ఆట‌గాళ్లు