IND vs ENG 5th Test | పోప్ స్టంపౌట్.. క్రాలే హాఫ్ సెంచ‌రీ.. లంచ్ స‌మ‌యానికి స్కోర్..?

IND vs ENG 5th Test : ధ‌ర్మ‌శాల‌లో జ‌రుగుతున్న ఐదో టెస్టులో భార‌త స్పిన్న‌ర్ కుల్దీప్ యాద‌వ్(Kuldep Yadav) తిప్పేస్తున్నాడు. డేంజ‌రస్ ఓపెనర్ బెన్ డ‌కెట్(27)ను వెన‌క్కి పంపిన ఈ చైనామ‌న్ బౌల‌ర్ ఉప్ప‌ల్ టెస్టు హీరో...

March 7, 2024 / 11:42 AM IST

IND vs ENG 5th Test | పోప్ స్టంపౌట్.. క్రాలే హాఫ్ సెంచ‌రీ.. లంచ్ స‌మ‌యానికి స్కోర్..?

IND vs ENG 5th Test : ధ‌ర్మ‌శాల‌లో జ‌రుగుతున్న ఐదో టెస్టులో భార‌త స్పిన్న‌ర్ కుల్దీప్ యాద‌వ్(Kuldep Yadav) తిప్పేస్తున్నాడు. డేంజ‌రస్ ఓపెనర్ బెన్ డ‌కెట్(27)ను వెన‌క్కి పంపిన ఈ చైనామ‌న్ బౌల‌ర్ ఉప్ప‌ల్ టెస్టు హీరో ఓలీ పోప్‌(11)ను ఔట్ చేశాడు. మ‌రికాసేప‌ట్లో లంచ్ అన‌గా.. కుల్దీప్ ఓవ‌ర్లో పోప్ ఫ్రంట్ ఫుట్ వ‌చ్చి డిఫెన్స్ ఆడాల‌నుకున్నాడు. కానీ బంతి మిస్ అయింది.

బంతి అందుకున్న ధ్రువ్ జురెల్ రెప్ప‌పాటులో స్టంపింగ్ చేశాడు. దాంతో, 36 ప‌రుగుల రెండో వికెట్ భాగ‌స్వామ్యానికి తెర‌పడింది. పోప్ ఔట్ కావ‌డంతో రిగ్గా 100 ప‌రుగుల వ‌ద్ద‌ ఇంగ్లండ్ రెండో వికెట్ ప‌డింది. ఓపెన‌ర్ జాక్ క్రాలే(61 నాటౌట్) అర్ధ సెంచ‌రీ బాద‌డంతో ఇంగ్లండ్ ప‌టిష్ట స్థితిలో నిలిచింది.

Right at the stroke of Lunch, Kuldeep Yadav strikes 👌

England lose Ollie Pope.

Follow the match ▶️ https://t.co/jnMticF6fc #TeamIndia | #INDvENG | @IDFCFIRSTBank pic.twitter.com/iGDh1SS82B

— BCCI (@BCCI) March 7, 2024

టాస్ గెలిచిన కెప్టెన్ బెన్ స్టోక్స్ న‌మ్మ‌కాన్ని నిల‌బెడతూ బెన్ డ‌కెట్(27), జాక్ క్రాలే(61 నాటౌట్)లు స‌మ‌యోచితంగా ఆడారు. ఆడ‌పాద‌డ‌పా బౌండ‌రీల‌తో స్కోర్ బోర్డును 50 దాటించారు. ప్ర‌మాద‌క‌రంగా మారుతున్న ఈ జోడీని విడ‌దీసేందుకు రోహిత్ స్పిన్న‌ర్ల‌ను రంగంలోకి దింపాడు. ఊహించిన‌ట్టుగానే కుల్దీప్ త‌న తొలి ఓవ‌ర్లోనే డ‌కెట్‌ను వెన‌క్కి పంపాడు.

Catching game 🔛 point! ⚡️ ⚡️

Follow the match ▶️ https://t.co/jnMticF6fc #TeamIndia | #INDvENG | @ShubmanGill | @IDFCFIRSTBank pic.twitter.com/DdHGPrTMVL

— BCCI (@BCCI) March 7, 2024

గాల్లోకి లేచిన ఆ బంతిని శుభ్‌మ‌న్ గిల్ ప‌రుగెత్తుతూ వెళ్లి డైవ్ చేస్తూ అద్భుతంగా అందుకున్నాడు. దాంతో, బెన్ స్టోక్స్ సేన 64 వ‌ద్ద తొలి వికెట్ కోల్పోయింది. డ‌కెట్ ఔట‌య్యాక పోప్ అండంతో క్రాలే ధ‌నాధ‌న్ ఆడాడు. 64 బంతుల్లోనే ఫిఫ్టీ సాధించాడు. 9 ఫోర్లు, ఒక సిక్స‌ర్‌తో హాఫ్ సెంచ‌రీ కొట్టాడు.