IPL 2024 KKR vs DC : వైజాగ్ స్టేడియంలో బౌండరీల మోత మోగింది. స్టేడియంలోని అభిమానులంతా ఇరుజట్ల ఆటగాళ్ల విధ్వంసక ఇన్నింగ్స్ను చూసి పులకించిపోయారు. పరుగుల వరద పారిన మ్యాచ్లో.. కోల్కతా నైట్ రైడర్స్(Kolkata Knight Riders) హ్యాట్రిక్ విజయం సాధించింది. కొండంత లక్ష్య ఛేదనలో ఢిల్లీ క్యాపిటల్స్(Delhi Capitals) ఆదిలోనే చేతులెత్తేయగా.. ప్టెన్ రిషభ్ పంత్ (55), టిస్టన్ స్టబ్స్(54)లు మెరుపు ఇన్నింగ్స్తో ఫర్వాలేదనిపించారు. దాంతో, కోల్కతా 106 పరుగుల తేడాతో గెలుపొందింది. తద్వారా ఐపీఎల్ చరిత్రలో కోల్కతా ఒకే సీజన్లో హ్యాట్రిక్ విజయాలు నమోదు చేసింది. మరోవైపు విశాఖలో బోణీ కొట్టిన ఢిల్లీ వరుసగా రెండో ఓటమి మూటగట్టుకుంది.
భారీ ఛేదనలో ఢిల్లీ క్యాపిటల్స్ ఆదిలోనే పీకల్లోతు కష్టాల్లో పడింది. ఐపీఎల్లో రికార్డు ధర పలికిన స్టార్క్ నిప్పులు చెరగడంతో డేంజరస్ మిచెల్ మార్ష్(0), డేవిడ్ వార్నర్(18)లు వెనుదిరిగారు. 33 పరుగులకే నాలుగు కీలక వికెట్లు కోల్పోయిన ఢిల్లీని కెప్టెన్ రిషభ్ పంత్(55), స్టబ్స్(54)లు ఆదుకున్నారు.
Varun Chakaravarthy gets ✌️ in ✌️
Excellent fielding on display 👏👏
Watch the match LIVE on @JioCinema and @StarSportsIndia 💻📱#TATAIPL | #DCvKKR | @KKRiders pic.twitter.com/zTFXctBFBx
— IndianPremierLeague (@IPL) April 3, 2024
ఇద్దరూ ఎడాపెడా బౌండరీలు, సిక్సర్లు బాదుతూ ఫీల్డర్లను ఉరికించారు. ఐదో వికెట్కు 93 రన్స్ జోడించి ప్రమాదకరంగా కనిపించారు. అయితే.. వరుణ్ చక్రవర్తి వరుస బంతుల్లో పంత్, అక్షర్ పటేల్(0)లను ఔట్ చేసి కోల్కతాను విజయానికి మరింత చేరువ చేశాడు. హాఫ్ సెంచరీ తర్వాత స్టబ్స్ భారీ షాట్ ఆడబోయి స్టార్క్ చేతికి చిక్కాడు. అక్కడితో ఢిల్లీ ఓటమి ఖాయమైంది.
2⃣0⃣0⃣ up for @KKRiders 💜
With the skipper & Dre Russ in the middle, what 🎯 will they end up setting for #DC?
Follow the Match ▶️ https://t.co/SUY68b95dG#TATAIPL | #DCvKKR pic.twitter.com/NN547sNnpp
— IndianPremierLeague (@IPL) April 3, 2024
టాస్ గెలిచి బ్యాటింగ్కు దిగాక కోల్కతా నైట్ రైడర్స్ బ్యాటర్లు సుడిగాలి ఇన్నింగ్స్తో చెలరేగారు. దొరికిన బంతిని దొరికనట్టు స్టాండ్స్లోకి పంపడంతో కోల్కతా కొండంత స్కోర్ కొట్టింది. ఓపెనర్ సునీల్ నరైన్(85) హాఫ్ సెంచరీతో చెలరేగగా… అరంగేట్ర కుర్రాడు అంగ్క్రిష్ రాఘువంశీ(54) ఢిల్లీ బౌలర్లకు చుక్కలు చూపించాడు. బౌలర్లు మారినా.. బంతి లక్ష్యం బౌండరీయే అన్నట్టుగా వీళ్లిద్దరూ పరుగుల విధ్వంసం సృష్టించారు. దాంతో, స్కోర్బోర్డు రాకెట్ వేగంతో పరుగులు తీసింది.
YORKED! 🎯
Ishant Sharma with a beaut of a delivery to dismiss the dangerous Russell!
Head to @JioCinema and @StarSportsIndia to watch the match LIVE#TATAIPL | #DCvKKR | @ImIshant pic.twitter.com/6TjrXjgA6R
— IndianPremierLeague (@IPL) April 3, 2024
ఈ ఇద్దరూ ఔటయ్యాక ఆండ్రూ రస్సెల్(41), శ్రేయస్ అయ్యర్(18)లు విధ్వంసాన్ని కొనసాగిస్తూ.. కోల్కతా స్కోర్ 230 దాటించారు. చివర్లో.. రింకూ సింగ్(26) సిక్సర్లతో రెచ్చిపోవడంతో అయ్యర్ సేన 272 పరుగుల భారీ స్కోర్ బాదింది. ఐపీఎల్ రికార్డు స్కోర్ 277 చెక్కుచెదరకపోవడంతో సన్రైజర్స్ హైదరాబద్ ఫ్యాన్స్ ఊపిరి పీల్చుకున్నారు. ఢిల్లీ బౌలర్లలో నార్జియా మూడు వికెట్లు పడగొట్టాడు.