Jasprit Bumrah : యార్కర్ కింగ్ జస్ప్రీత్ బుమ్రా(Jasprit Bumrah) మరో ఘనత సాధించాడు. ఐపీఎల్లో వేగంగా 150 వికెట్లు తీసిన రెండో భారత బౌలర్గా బుమ్రా రికార్డు నెలకొల్పాడు. అతడి కంటే ముందు లెగ్ స్పిన్నర్ యజ్వేంద్ర చాహల్(Yuzvendra Chahal) ఈ మైలురాయికి చేరుకున్నాడు.
చాహల్ 118 మ్యాచుల్లోనే 150 వికెట్లు తీయగా.. బుమ్రాకు 125 మ్యాచ్లు పట్టింది. మొత్తంగా ఈ క్లబ్లో చేరిన మూడో బౌలర్గా, రెండో పేసర్గా ముంబై స్పీడ్స్టర్ చరిత్ర సృష్టించాడు. ముంబై మాజీ పేసర్, ప్రస్తుత బౌలింగ్ కోచ్ లసిత్ మలింగ(Lasith Malinga) 105 మ్యాచుల్లోనే 150 వికెట్లు పడగొట్టాడు.
1️⃣5️⃣0️⃣ IPL wickets for Jasprit Bumrah 💥💥
He reaches the milestone in 124 innings – only Lasith Malinga (105) and Yuzi Chahal (118) have done it quicker 🔥#MIvDC | #IPL2024 pic.twitter.com/eGlB7LVzU8
— ESPNcricinfo (@ESPNcricinfo) April 7, 2024
సీఎస్కే మాజీ ఆల్రౌండర్ డ్వేన్ బ్రావో 137 మ్యాచుల్లో, సన్రైజర్స్ హైదరాబాద్ పేసర్ భువనేశ్వర్ కుమార్ 138 మ్యాచుల్లో ఈ ఘనత సాధించారు. వాంఖడే స్టేడియంలో ఆదివారం తొలుత ముంబై రోహిత్ శర్మ(49), టిమ్ డేవిడ్(45నాటౌట్), రొమారియో షెపర్డ్(39 నాటౌట్) వీరబాదుడుతో 234 రన్స్ కొట్టింది.
𝐁𝐎𝐎𝐌 💥 𝗢𝗡 𝗧𝗔𝗥𝗚𝗘𝗧 🎯
Just Bumrah doing Bumrah things 🤷♂️
Watch the match LIVE on @starsportsindia and @JioCinema 💻📱#TATAIPL | #MIvDC pic.twitter.com/rO1Hnqd3Od
— IndianPremierLeague (@IPL) April 7, 2024
అనంతరం ఢిల్లీ క్యాపిటల్స్పై బుమ్రా నిప్పులు చెరిగాడు. హాఫ్ సెంచరీతో ముంబైకి ప్రమాదకరంగా మారిన ఓపెనర్ పృథ్వీ షా(66)ను యార్కర్తో బౌల్డ్ చేశాడు. ఆ తర్వాత అభిషేక్ పొరెల్(41)ను వెనక్కి పంపి 150 వికెట్ల క్లబ్లో చేరాడు. కొయెట్జీ 4 వికెట్లు తీయడంతో ఢిల్లీ 29 పరుగులతో గెలిచింది. సొంతగడ్డపై విజయంతో ఈ సీజన్లో హార్దిక్ పాండ్యా సేన బోణీ కొట్టింది.