James Anderson : ఇంగ్లండ్ వెటరన్ పేసర్ జేమ్స్ అండర్సన్(James Anderson) ఇప్పుడప్పుడే.. కెరీర్కు వీడ్కోలు(Retirement) పలికే ఆలోచన లేదని వెల్లడించాడు. దాదాపు రెండు దశాబ్దాలుగా ఇంగ్లండ్కు ప్రాతినిధ్యం వహిస్తున్న ఈ సీనియర్ పేసర్.. సొంత గడ్డపై ఆస్ట్రేలియా(Australia)తో జరుగుతున్న యాషెస్ సిరీస్(Ashes Series)లో పెద్దగా ఆకట్టుకోలేకపోతున్న విషయం తెలిసిందే. ఓవల్ వేదికగా ఆస్ట్రేలియాతో జరుగుతున్న ఐదో టెస్టు తొలి ఇన్నింగ్స్లో కేవలం ఒక్క వికెటే తీసిన అండర్సన్.. గత నాలుగు మ్యాచుల్లోనూ నాలుగే వికెట్లు పడగొట్టాడు.
దీంతో యాషెస్ సిరీస్ తర్వాత జిమ్మీ.. అంతర్జాతీయ క్రికెట్ నుంచి తప్పుకుంటాడనే ప్రచారం ఊపందుకుంది. అయితే.. అండర్సన్ మాత్రం తనలో ఇంకా చాలా క్రికెట్ మిగిలే ఉందని.. ఇప్పుడప్పుడే తప్పుకునే ఆలోచన చేయడం లేదని వ్యాఖ్యానించాడు.
Is there a better sight in Test cricket?
Stumps cartwheeling and Jimmy Anderson with his finger in the air ☝️#EnglandCricket | #Ashes pic.twitter.com/idQQHpe5Yi
— England Cricket (@englandcricket) July 28, 2023
‘నా బౌలింగ్లో ఎలాంటి సమస్య లేదు. చాలా నియంత్రణతో బౌలింగ్ చేస్తున్నా. గత మూడు, నాలుగేండ్ల నా ప్రదర్శన గమనిస్తే ఇది స్పష్టమవుతుంది. శారీరకంగా, మానసికంగా ఫిట్గా ఉన్నా. రోజు రోజుకు బౌలింగ్ నైపుణ్యాలను మరింత మెరుగు పర్చుకుంటున్నా. నాలో ఇంకా చాలా ఆట మిగిలే ఉంది. జాతీయ జట్టు కోసం ఏం చేసేందుకైనా ఎల్లప్పుడూ సిద్ధంగా ఉంటా’ అని అండర్సన్ పేర్కొన్నాడు. అండర్సన్ ప్రస్తుత వయసు 40 ఏళ్లు. త్వరలోనే 41వ పుట్టినరోజు చేసుకోబోతున్నాడు. పెద్ద వయసులోనూ యువకులతో పోటీ పడి బౌలింగ్ చేస్తూ క్రికెట్ ప్రపంచాన్ని ఆశ్చర్యపరుస్తున్నాడు.
జేమ్స్ అండర్సన్
ఇంగ్లండ్ తరఫున అండర్సన్ 182 టెస్టులాడి 689 వికెట్లు పడగొట్టాడు. అంతేకాదు ప్రపంచలో అత్యధిక వికెట్లు పడగొట్టిన పేసర్గా చరిత్రకెక్కాడు. ఇక 194 వన్డేల్లో జాతీయ జట్టుకు ప్రాతినిధ్యం వహించిన జిమ్మీ 269 వికెట్లు తన ఖాతాలో వేసుకున్నాడు. పరిమిత ఓవర్ల క్రికెట్కు ఎప్పుడో దూరమైన అండర్సన్ ప్రస్తుతం టెస్టుల్లో మాత్రమే కొనసాగుతున్నాడు.