IPL 2024 CSK vs KKR : సొంత స్టేడియంలో చెన్నై సూపర్ కింగ్స్(Chennai Super Kings) తమ తడాఖా చూపించింది. ఐపీఎల్ చరిత్రలో రెండో అత్యధిక స్కోర్ కొట్టిన కోల్కతా నైట్ రైడర్స్(Kolkata Knight Riders)కు సీఎస్కే బౌలర్లు ముకుతాడు వేశారు. స్టార్ స్పిన్నర్ రవీంద్ర జడేజా తిప్పేయడంతో కోల్కతా హిట్లర్లంతా చేతులెత్తేశారు.
ముస్తఫిజుర్, దేశ్పాండేలు పేస్తో హడలెత్తించి టేబుల్ టాపర్ను 139 పరుగులకే కట్టడి చేశారు. కెప్టెన్ శ్రేయస్ అయ్యర్ 34 రన్స్తో టాప్ స్కోరర్గా నిలిచాడు. ఓపెనర్ సునీల్ నరైన్(27), అంగ్క్రిష్ రఘువంశీ(24)లు మాత్రమే రాణించారు. దాంతో కోల్కతా 20 ఓవర్లలో 9 వికెట్ల నష్టానికి 137 రన్స్ కొట్టింది.
A controlled bowling performance from #CSK so far 👏👏#KKR Skipper Shreyas Iyer & Andre Russell at the crease 🙌
With 3⃣ overs to go, can the duo power #KKR to a strong finish? 🤔
Follow the Match ▶ https://t.co/5lVdJVscV0 #TATAIPL | #CSKvKKR pic.twitter.com/0MXuGhRZEP
— IndianPremierLeague (@IPL) April 8, 2024
చెపాక్లో టాస్ ఓడిన కోల్కతాకు తొలి బంతికే షాక్ తగిలింది. దేశ్పాండే ఓవర్లో డేంజరస్ ఓపెనర్ ఫిలిప్ సాల్ట్(0) జడేజా చేతికి చిక్కాడు. దాంతో, కోల్కతా ఖాతా తెరవకుండానే తొలి వికెట్ కోల్పోయింది. ఆ తర్వాత నరైన్, రఘువంశీలు రెండో వికెట్కు 56 పరుగులు జోడించి కోల్కతాను నిలబెట్టారు.
Rinku Singh ✅
Andre Russell ✅Chepauk is joyous, courtesy Tushar Deshpande 👏 👏
Watch the match LIVE on @JioCinema and @StarSportsIndia 💻📱#TATAIPL | #CSKvKKR | @ChennaiIPL pic.twitter.com/cDDzi1nf9S
— IndianPremierLeague (@IPL) April 8, 2024
అయితే.. 7వ ఓవర్లో బంతి అందుకున్న జడ్డూ.. కోల్కతా పని పట్టాడు. తన స్పిన్ మాయ చూపిస్తూ రఘువంశీ, నరైన్, వెంకటేశ్ అయ్యర్లను పెవిలియన్ పంపాడు. అతడి విజృంభణతో కోల్కతా 85 పరుగులకే ఐదు వికెట్లు పడిన దశలో.. కెప్టెన్ అయ్యర్(33) కీలక ఇన్నింగ్స్ ఆడాడు. రింకూ సింగ్(9), ఆండ్రూ రస్సెల్(10)తో కలిసి జట్టు స్కోర్ 130 దాటించాడు.