IPL 2024 | ఇంగ్లండ్ క్రికెటర్లపై ఐపీఎల్ ఫ్రాంచైజీలు అసంతృప్తితో ఉన్నాయా..? వేలంలో కోటానుకోట్లు దక్కించుకున్న ప్లేయర్లు.. తీరా సీజన్ ప్రారంభంలో ఏదో ఓ కారణం చెప్పి టోర్నీకి దూరమైతున్న నేపథ్యంలో ఫ్రాంచైజీలు బీసీసీఐని ఆశ్రయిస్తున్నాయి. ఇప్పటికే 17వ సీజన్ ఆరంభం కాకముందే పలు ఫ్రాంచైజీల తరఫున ఆడుతున్న ఇంగ్లీష్ క్రికెటర్లు జేసన్ రాయ్, గస్ అట్కిన్సన్, మార్క్ వుడ్లు తప్పుకోగా తాజాగా ఢిల్లీ క్యాపిటల్స్ ఆటగాడు హ్యారీ బ్రూక్ టోర్నీ నుంచి వైదొలిగాడు. వ్యక్తిగత కారణాలు, వర్క్లోడ్ మేనేజ్మెంట్లో భాగంగానే ఆటగాళ్లు ఐపీఎల్ నుంచి తప్పుకుంటున్నట్టు ఈసీబీ చెబుతోంది. కానీ బీసీసీఐ మాత్రం దీనిపై అసంతృప్తిగా ఉంది.
అట్కిన్సన్తో మొదలు..
ఈ ఏడాది వేలంలో పేరిచ్చిన గస్ అట్కిన్సన్.. కోల్కతా నైట్ రైడర్స్ తరఫున ఆడాల్సి ఉంది. కానీ భారత్లో ఐదు మ్యాచ్ల టెస్టు సిరీస్ ఆడిన ఇంగ్లండ్ జట్టులో అతడూ సభ్యుడిగా ఉన్నాడు. ఈ సిరీస్ జరుగుతుండగానే అట్కిన్సన్.. ఐపీఎల్ నుంచి తప్పుకుంటున్నట్టు తెలిపాడు. అతడి స్థానంలో కేకేఆర్.. దుష్మంత చమీరను తీసుకుంది. వర్క్లోడ్ మేనేజ్మెంట్లో భాగంగా అతడు తప్పుకుంటున్నట్టు ఈసీబీ తెలిపింది. అయితే ఈ సిరీస్లో అట్కిన్సన్ ఒక్క మ్యాచ్ కూడా ఆడలేదు.
జేసన్ రాయ్..
మూడు రోజుల క్రితమే కేకేఆర్ మరో ఇంగ్లండ్ ఆటగాడి సేవలనూ కోల్పోయింది. గత సీజన్లో కేకేఆర్కు ఆడిన జేసన్ రాయ్.. వ్యక్తిగత కారణాలతో ఈ టోర్నీ నుంచి వైదొలగడంతో ఆ జట్టు.. ఇంగ్లండ్కే చెందిన ఫిల్ సాల్ట్ను తీసుకుంది. రాయ్ 2020, 2022 లలో కూడా ఇలాగే వైదొలిగాడు.
Jason Roy was one of the important factors behind KKR’s good show in the absence of Shreyas Iyer.
We wish him all the best and would love to see him don the purple and gold again 💜💛#KKR | #IPL20204 #JasonRoy pic.twitter.com/I79p2vw66Q
— KKR Karavan (@KkrKaravan) March 10, 2024
మార్క్ వుడ్..
లక్నో సూపర్ జెయింట్స్ పేసర్ మార్క్ వుడ్ కూడా వర్క్ లోడ్ మేనేజ్మెంట్లో భాగంగానే ఈ సీజన్కు దూరమయ్యాడు. గత సీజన్లోనూ అతడు నాలుగైదు మ్యాచ్లే ఆడి వ్యక్తిగత కారణాలతో తప్పుకున్నాడు.ఈ సీజన్లో లక్నో అతడి స్థానంలో విండీస్ సంచలనం షెమర్ జోసెఫ్ను తీసుకుంది.
హ్యారీ బ్రూక్..
గత ఐపీఎల్ వేలంలో రూ. 4 కోట్లతో ఢిల్లీ క్యాపిటల్స్ దక్కించుకున్న ఇంగ్లండ్ బ్యాటర్ హ్యారీ బ్రూక్ కూడా వ్యక్తిగత కారణాలతో ఈ సీజన్ నుంచి తప్పుకున్నాడు. ఇండియాతో ఐదు మ్యాచ్ల టెస్టు సిరీస్కు దూరమైన బ్రూక్.. తాజాగా ఐపీఎల్లోనూ హ్యాండిచ్చాడు.
🚨Harry Brook has withdrawn from the Indian Premier league(IPL), citing personal reasons🚨
The IPL franchise are not happy with Players pulling out at the IPL at the last moment and in talk with BCCI, they want commitment if someone register for Auction.pic.twitter.com/sBMKaCXq98
— Sujeet Suman (@sujeetsuman1991) March 13, 2024
ఫ్రాంచైజీల అసంతృప్తి..
ఇంగ్లండ్ క్రికెటర్ల తీరుపై ఫ్రాంచైజీలు అసంతృప్తితో ఉన్నాయని తెలుస్తోంది. గతంలో కూడా అలెక్స్ హేల్స్, మిచెల్ స్టార్క్ కూడా ఇలాంటి కారణాలతోనే సీజన్ నుంచి తప్పుకున్నారు. గత సీజన్లో చెన్నై సూపర్ కింగ్స్.. రూ. 16 కోట్లతో దక్కించుకున్న బెన్ స్టోక్స్ రెండు మ్యాచ్లే ఆడి ఫిట్గా లేక సీజన్ మొత్తానికి దూరమయ్యాడు. ఈ సీజన్కు ముందే అతడు తాను ఐపీఎల్ నుంచి తప్పుకుంటానని చెప్పడంతో వేలంలో ఆ జట్టు ఇతర ప్లేయర్లను తీసుకుంది. ఇంగ్లండ్ ప్లేయర్లకు ఇది ఓ ట్రెండ్లా మారిపోయిందని, దీనిని ఇకపై ఎంకరేజ్ చేస్తే మిగిలిన క్రికెటర్లూ ఇలాగే చేస్తారని వాపోతున్నాయి. దీనిపై బీసీసీఐ తక్షణమే జోక్యం చేసుకోవాలని కోరుతున్నాయి.