SRH Schedule | వచ్చే నెల 22 నుంచి మొదలుకాబోయే ఐపీఎల్-17లో భాగంగా మాజీ ఛాంపియన్ సన్ రైజర్స్ హైదరాబాద్ తమ తొలి మ్యాచ్ను మార్చి 23న ఆడనుంది. కోల్కతా లోని ఈడెన్ గార్డెన్స్ వేదికగా మ్యాచ్ జరుగనుంది. తొలి మ్యాచ్లో ఆరెంజ్ ఆర్మీ.. కోల్కతా నైట్ రైడర్స్తో తలపడనుంది. భాగ్యనగరంలోని రాజీవ్ గాంధీ అంతర్జాతీయ స్టేడియంలో ఎస్ఆర్హెచ్.. ఫస్ట్ షెడ్యూల్లో రెండు మ్యాచ్లు ఆడనుంది. మార్చి 27న ఉప్పల్ స్టేడియంలో హైదరాబాద్.. ఐదుసార్లు ఛాంపియన్ ముంబై ఇండియన్స్ను ఢీకొననుంది.
సార్వత్రిక ఎన్నికల నేపథ్యంలో 15 రోజుల షెడ్యూల్ను ప్రకటించిన బీసీసీఐ.. తొలి అంచెలో 21 మ్యాచ్లు నిర్వహించనుంది. ఇందులో భాగంగా హైదరాబాద్.. నాలుగు మ్యాచ్లు ఆడాల్సి ఉంది. మార్చి 23న కేకేఆర్తో తొలి మ్యాచ్ ఆడే సన్ రైజర్స్.. ఆ తర్వాత ముంబై ఇండియన్స్, గుజరాత్ టైటాన్స్, చెన్నై సూపర్ కింగ్స్తో మ్యాచ్లు ఆడనుంది. రెండు మ్యాచ్లు సొంత గ్రౌండ్లో ఆడనున్న హైదరాబాద్.. మిగతా రెండింటినీ కోల్కతా, అహ్మదాబాద్లో ఆడాల్సి ఉంది.
ఎస్ఆర్హెచ్ షెడ్యూల్..
– మార్చి 23: కోల్కతా వర్సెస్ హైదరాబాద్ – కోల్కతా
– మార్చి 27 : హైదరాబాద్ వర్సెస్ ముంబై – హైదరాబాద్
– మార్చి 31: గుజరాత్ వర్సెస్ హైదరాబాద్ – అహ్మదాబాద్
– ఏప్రిల్ 05 : హైదరాబాద్ వర్సెస్ చెన్నై – హైదరాబాద్
Mark your dates, #OrangeArmy 😍
We start our 🔥 days against the Knights 🧡💜
And we’ll see you at Uppal on the 27th 😍#IPL2024 #IPLSchedule pic.twitter.com/j9kuIIDyfE
— SunRisers Hyderabad (@SunRisers) February 22, 2024
సన్రైజర్స్ జట్టు : అబ్దుల్ సమద్, అభిషేక్ శర్మ, ఎయిడెన్ మార్క్రమ్ (కెప్టెన్), మార్కో జాన్సెన్, రాహుల్ త్రిపాఠి, వాషింగ్టన్ సుందర్, గ్లెన్ ఫిలిప్స్, సన్విర్ సింగ్, హెన్రిచ్ క్లాసెన్, భువనేశ్వర్ కుమార్, మయాంక్ అగర్వాల్, టి. నటరాజన్, అన్మోల్ప్రీత్ సింగ్, మయాంక్ మార్ఖండే, ఉపేంద్ర సింగ్ యాదవ్, ఉమ్రాన్ మాలిక్, నితీశ్ కుమార్ రెడ్డి, ఫజల్హక్ ఫరూఖీ, షాబాజ్ అహ్మద్, ట్రావిస్ హెడ్, వనిందు హసరంగ, పాట్ కమిన్స్, జయదేవ్ ఉనద్కత్, ఆకాశ్ సింగ్, జతవేద్ సుబ్రహ్మణ్యన్
గత సీజన్లో ఎయిడెన్ మార్క్రమ్ సారథ్యంలోని సన్ రైజర్స్.. నాలుగింట్లోనే గెలిచి పాయింట్ల పట్టికలో అట్టడుగున నిలిచింది. కొద్దిరోజుల క్రితమే ఐపీఎల్ వేలంలో ఆస్ట్రేలియా సారథి పాట్ కమిన్స్కు రూ. 20 కోట్లు వెచ్చించి సొంతం చేసుకున్న సన్ రైజర్స్ ఈ సీజన్లో అతడిపై భారీ ఆశలే పెట్టుకుంది. కమిన్స్తో పాటు రూ. 6 కోట్లతో దక్కించుకున్న ట్రావిస్ హెడ్, స్టార్ స్పిన్నర్ వనిందు హసరంగ, మార్క్రమ్లతో జట్టు పటిష్టంగానే కనిపిస్తోంది. సౌతాఫ్రికాలో జరిగే ఎస్ఎ 20లో వరుసగా రెండు టైటిల్స్ నెగ్గిన ఊపులో ఉన్న మార్క్రమ్ మీద సన్ రైజర్స్ మరోసారి భారీ ఆశలే పెట్టుకుంది. 2016లో ఛాంపియన్గా నిలిచిన హైదరాబాద్.. ఈ సీజన్లో అయినా పుంజుకోవాలని ఫ్యాన్స్ భావిస్తున్నారు. ఆరెంజ్ ఆర్మీ ఫ్యాన్స్.. ఉప్పల్ దంగల్కు సిద్ధమవండి…!