IPL 2024 | కేకేఆర్‌కు షాక్‌.. విధ్వంసకర ఓపెనర్‌ ఔట్‌.. రిప్లేస్‌మెంట్ ఎవరంటే..!

IPL 2024 | ఐపీఎల్‌17వ సీజన్‌కు ముందే రెండు సార్లు ఛాంపియన్‌ కోల్‌కతా నైట్‌ రైడర్స్‌కు ఎదురుదెబ్బ తగిలింది. ఆ జట్టు విధ్వంసకర ఓపెనర్‌ జేసన్‌ రాయ్‌.. ఈ సీజన్‌ నుంచి తప్పుకున్నాడు.

IPL 2024 | మరో రెండు వారాల్లో ఆరంభం కానున్న ఇండియన్‌ ప్రీమియర్‌ లీగ్‌ (ఐపీఎల్‌) 17వ సీజన్‌కు ముందే రెండు సార్లు ఛాంపియన్‌ కోల్‌కతా నైట్‌ రైడర్స్‌కు ఎదురుదెబ్బ తగిలింది. ఆ జట్టు విధ్వంసకర ఓపెనర్‌ జేసన్‌ రాయ్‌.. ఈ సీజన్‌ నుంచి తప్పుకున్నాడు. ఈ మేరకు కేకేఆర్‌ కూడా ఈ విషయాన్ని ధృవపరిచింది. ప్రస్తుతం పాకిస్తాన్‌ వేదికగా జరుగుతున్న పాకిస్తాన్‌ సూపర్‌ లీగ్‌ (పీఎస్‌ఎల్‌)లో ఆడుతున్న రాయ్‌.. ఆ టోర్నీలో మాత్రం కొనసాగుతానని స్పష్టం చేశాడు. పీఎస్‌ఎల్‌లో కొనసాగినప్పటికీ వ్యక్తిగత కారణాల రిత్యా ఐపీఎల్‌ నుంచి తప్పుకున్నట్టు తెలుస్తోంది.

ఐపీఎల్‌లో ఆడతానని వేలంలో పేరు నమోదుచేసుకుని తీరా సీజన్‌కు ముందు తప్పుకోవడం రాయ్‌కు ఇదే కొత్త కాదు. గతంలో అతడు.. 2020, 2022 సీజన్ల నుంచీ ఇలాగే తప్పుకున్నాడు. వ్యక్తిగత కారణాలు అని చెబుతున్న రాయ్‌.. పీఎస్‌ఎల్‌లో మాత్రం కొనసాగుతుండటం గమనార్హం. ఇదిలాఉండగా రాయ్‌ స్థానంలో కేకేఆర్‌.. మరో ఇంగ్లీష్‌ ఓపెనర్‌ ఫిల్‌ సాల్ట్‌ను భర్తీ చేస్తున్నట్టు ట్విటర్‌ (ఎక్స్‌) వేదికగా ప్రకటించింది.

 

Requesting all KKR fans to respect Jason Roy’s decision.

We hope everything is alright with him.#AmiKKR pic.twitter.com/KFTIWrZbYk

— KnightRidersXtra (@KRxtra) March 10, 2024

గత సీజన్‌లో ఢిల్లీ క్యాపిటల్స్‌ తరఫున ఆడిన సాల్ట్‌ను కొద్దిరోజుల ముందే ముగిసిన ఐపీఎల్‌ వేలంలో ఢిల్లీ రిటైన్‌ చేసుకోలేదు. గత సీజన్‌లో వికెట్‌ కీపర్‌ బ్యాటర్‌గా సేవలందించిన సాల్ట్‌.. రెండు అర్థ సెంచరీలు చేసినా ఢిల్లీ పట్టించుకోలేదు. సరిగ్గా వేలానికి కొద్దిరోజుల ముందే అతడు వెస్టిండీస్‌కు వెళ్లిన ఇంగ్లండ్‌ జట్టులో ఆడుతూ బ్యాక్‌ టు బ్యాక్‌ సెంచరీలు చేసినా ఢిల్లీతో పాటు మరే జట్టూ అతడి వైపు కన్నెత్తి కూడా చూడలేదు. దీంతో సాల్ట్‌ అప్పట్లో దీనిపై ఆశ్చర్యం వ్యక్తం చేసిన విషయం విదితమే.

 

Welcoming @PhilSalt1 to the #GalaxyOfKnights 💜🚀

Let’s go! pic.twitter.com/673GQIjI3o

— KolkataKnightRiders (@KKRiders) March 10, 2024