IPL 2023 : సొంత గడ్డపై కోల్కతా నైట్ రైడర్స్ గర్జించింది. ఆల్రౌండ్ ప్రదర్శనతో రాయల్ చాలెంజర్స్ బెంగళూరుపై 81 పరుగుల తేడాతో భారీ విజయం సాధించింది. ఓపెనర్ రహమనుల్లా గుర్బాజ్(57), శార్దూల్ ఠాకూర్(68) అర్ధ శతకాలు బాదడడంతో కోల్కతా 204 రన్స్ స్కోర్ చేసింది. కొండంత లక్ష్య ఛేదనలో ఆర్సీబీ తడబడింది. కేకేఆర్ స్పిన్నర్ల దెబ్బకు కీలక ఆటగాళ్లంతా పెవిలియన్కు క్యూ కట్టారు. దాంతో, ఆ జట్టు 123కే ఆలౌట్ అయింది. ఈ విజయంతో పదహారో సీజన్లో కోల్కతా బోణీ కొట్టింది. విజయంతో టోర్నీని ఆరంభించిన డూప్లెసిస్ సేన ఓటమిని రుచి చూపించింది.
సొంత గడ్డపై కోల్కతా నైట్ రైడర్స్(KKR) గర్జించింది. ఆల్రౌండ్ ప్రదర్శనతో రాయల్ చాలెంజర్స్ బెంగళూరు(RCB)పై భారీ విజయం సాధించింది. ఓపెనర్ రహమనుల్లా గుర్బాజ్(57), శార్దూల్ ఠాకూర్(68) అర్ధ శతకాలు బాదడడంతో కోల్కతా 204 రన్స్ స్కోర్ చేసింది. కొండంత లక్ష్య ఛేదనలో ఆర్సీబీ తడబడింది. కేకేఆర్ స్పిన్నర్ల దెబ్బకు కీలక ఆటగాళ్లంతా పెవిలియన్కు క్యూ కట్టారు. దాంతో, ఆ జట్టు కోలుకోలేకపోయింది. ఈ విజయంతో పదహారో సీజన్లో కోల్కతా బోణీ కొట్టింది. విజయంతో టోర్నీని ఆరంభించిన డూప్లెసిస్ సేన ఓటమిని రుచి చూపించింది.
భారీ లక్ష్య ఛేదనలో రాయల్ చాలెంజర్స్ బెంగళూరు టాపార్డర్ విఫలమైంది. ఓపెనర్లు విరాట్ కోహ్లీ(21), డూప్లెసిస్(23) తొలి వికెట్కు 44 రన్స్ జోడించారు. స్పిన్నర్ను రంగంలోకి దింపడంతో ఆర్సీబీ వికెట్ల పతనం మొదలైంది. సునీల్ నరైన్ బౌలింగ్లో విరాట్ కోహ్లీ బౌల్డ్ అయ్యాడు. తర్వాత కెప్టెన్ డూప్లెసిస్(23)ను వరుణ్ చక్రవర్తి బౌల్డ్ చేశాడు. గ్లెన్ మ్యాక్స్వెల్ (5), హర్షల్ పటేల్(0)ను ఔట్ చేసి ఆర్సీబీని మరింత కష్టాల్లోకి నెట్టాడు. దాంతో, 19 పరుగుల వ్యవధిలో ఆర్సీబీ ఐదు వికెట్లు కోల్పోయింది. వచ్చినవాళ్లు వచ్చినట్టు పెవిలియన్కు క్యూ కట్టారు. కోల్కతా బౌలర్లలో వరుణ్ చక్రవర్తి నాలగు, సుయాశ్ శర్మ మూడు వికెట్లు తీశారు. సునీల్ నరైన్ రెండు వికెట్లు పడగొట్టాడు. శార్ధూల్కు ఒక వికెట్ దక్కింది.
Anuj Rawat ☑️
Dinesh Karthik ☑️Watch Suyash Sharma pick two quick wickets in his debut game.
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/3igG1jDWb4
— IndianPremierLeague (@IPL) April 6, 2023
సుయాశ్ శర్మ ఓవర్లో ఆకాశ్ దీప్ (16), డేవిడ్ విల్లే(19) దంచి కొడుతున్నారు. ఆకాశ్ భారీ సిక్సర్ కొట్టడంతో ఆర్సీబీ స్కోర్ 121కి చేరింది. పదో వికెట్కు వీళ్లు 25 రన్స్ జోడించారు. ఆర్సీబీ విజయానికి 18 బంతుల్లో 84 పరుగులు కావాలి.
ఆర్సీబీ స్కోర్ 100 దాటింది. సుయాశ్ శర్మ ఓవర్లో ఆకాశ్ దీప్ సిక్సర్ కొట్టడంతో ఆర్సీబీ స్కోర్ 102కు చేరింది. డేవిడ్ విల్లే, ఆకాశ్ దీప్ క్రీజులో ఉన్నారు.
సుయాశ్ శర్మ ఆరంగేట్రంలోనే మూడు వికెట్లు తీశాడు. కరణ్ శర్మ(1)ను ఔట్ చేసి మూడో వికెట్ సాధించాడు. దాంతో, ఆర్సీబీ 96 రన్స్ వద్ద తొమ్మిదో వికెట్ కోల్పోయింది.
ఆర్సీబీ ఎనిమిదో వికెట్ కోల్పోయింది. సుయాశ్ శర్మ బౌలింగ్లో షాట్ ఆడిన దినేశ్ కార్తిక్(9) క్యాచ్ ఇచ్చి ఔటయ్యాడు.
సుయాశ్ శర్మ ఐపీఎల్లో తొలి వికెట్ తీశాడు. ఇంపాక్ట్ ప్లేయర్ అనుజ్ రావత్ను ఔట్ చేశాడు. దాంతో, ఆర్సీబీ ఏడో వికెట్ పడింది. దినేశ్ కార్తిక్(9) క్రీజులో ఉన్నాడు. 12.ఓవర్లకు ఆర్సీబీ 7 వికెట్ల నష్టానికి 84పరుగులు చేసింది. ఆర్సీబీ విజయానికి 45 బంతుల్లో 121 పరుగులు కావాలి.
లెఫ్ట్ హ్యాండర్ అనుజ్ రావత్ను ఆర్సీబీ ఇంపాక్ట్ ప్లేయర్గా తీసుకుంది. సిరాజ్ స్థానంలో వచ్చిన అతడు ఎనిమిదో స్థానంలో బ్యాటింగ్కు దిగాడు.
డేంజరస్ మైఖేల్ బ్రేస్వెల్(19) ఔటయ్యాడు. శార్ధూల్ బౌలింగ్లో నితీశ్ రానా క్యాచ్ పట్టడంతో అతను వెనుదిరిగాడు. దాంతో, ఆర్సీబీ 83 రన్స్కే ఆరు వికెట్లు కోల్పోయింది. దినేశ్ కార్తిక్(9) క్రీజులో ఉన్నారు.
సుయాశ్ శర్మ బౌలింగ్లో మైఖేల్ బ్రేస్వెల్(19) సిక్స్ కొట్టాడు. దినేశ్ కార్తిక్(4) క్రీజులో ఉన్నారు. 11ఓవర్లకు ఆర్సీబీ 5 వికెట్ల నష్టానికి 78 పరుగులు చేసింది.
ఆర్సీబీ ఐదో వికెట్ పడింది. నరైన్ బౌలింగ్లో షహబాజ్ అహ్మద్(1) ఔటయ్యాడు. అంతకుముందు వరుణ్ చక్రవర్తి ఒకే ఓవర్లో రెండు వికెట్లు తీశాడు. మ్యాక్స్వెల్ (5), హర్షల్ పటేల్ను ఔట్ చేశాడు. దాంతో, ఆర్సీబీ కష్టాల్లో పడింది. ప్రస్తుతం మైఖేల్ బ్రేస్వెల్(7), దినేశ్ కార్తిక్ క్రీజులో ఉన్నారు. 8 ఓవర్లకు ఆర్సీబీ 5 వికెట్ల నష్టానికి 61 పరుగులు చేసింది.
Varun Chakravarthy is wreaking havoc here.
Picks up two more wickets in an over.
Maxwell and Harshal depart in quick succession.
Live - https://t.co/V0OS7tFZTB #TATAIPL | #KKRvRCB pic.twitter.com/XIPsyCr5UJ
— IndianPremierLeague (@IPL) April 6, 2023
భారీ లక్ష్య ఛేదనలో ఆర్సీబీ రెండో వికెట్ కోల్పోయింది. వరుణ్ చక్రవర్తి బౌలింగ్లో కెప్టెన్ డూప్లెసిస్(23) బౌల్డ్ అయ్యాడు. దాంతో, రెండు పరుగుల వ్యవధిలో ఆర్సీబీ ఓపెనర్లు ఇద్దరూ పెవిలియన్ చేరారు. ప్రస్తుతం మైఖేల్ బ్రేస్వెల్(2), మ్యాక్స్వెల్ (4)క్రీజులో ఉన్నారు. పవర్ ప్లేలో ఆర్సీబీ రెండు వికెట్ల నష్టానికి 50 పరుగులు చేసింది.
ఆర్సీబీ బిగ్ వికెట్ కోల్పోయింది. విరాట్ కోహ్లీ(21)ని సునీల్ నరైన్ బౌల్డ్ చేశాడు. దాంతో, 44 రన్స్ వద్ద ఆ జట్టు తొలి వికెట్ పడింది. కెప్టెన్ డూప్లెసిస్(23) క్రీజులో ఉన్నాడు.
Sunil Narine comes into the attack and bowls Virat Kohli out for 21 runs.
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/zBjkcjScbD
— IndianPremierLeague (@IPL) April 6, 2023
ఆర్సీబీ ఓపెనర్లు విరాట్ కోహ్లీ(20), డూప్లెసిస్(22) సౌథీని టార్గెట్ చేశారు. అతను వేసిన 4వ ఓవర్లో కోహ్లీ తొలి బంతిని లాంగాన్లో బౌండరీకి పంపాడు. ఆ తర్వాత డూప్లెసిస్ వరుసగా సిక్స్, ఫోర్, సిక్స్ కొట్టాడు. దాంతో, 23 రన్స్ వచ్చాయి. 4 ఓవర్లకు స్కోర్ ఆర్సీబీ వికెట్ నష్టపోకుండా 42 రన్స్ చేసింది.
3 ఓవర్లకు స్కోర్ ఆర్సీబీ వికెట్ నష్టపోకుండా 19 రన్స్ చేసింది. విరాట్ కోహ్లీ(13), డూప్లెసిస్(3) క్రీజులో ఉన్నారు.
ఉమేశ్ యాదవ్ ఓవర్లో తొలి బంతికి, ఆఖరి బంతికి విరాట్ కోహ్లీ(9) ఫోర్ కొట్టాడు. దాంతో 10 రన్స్ వచ్చాయి. డూప్లెసిస్(1) క్రీజులో ఉన్నాడు. కోల్కతా ఇంపాక్ట్ ప్లేయర్గా సుయాశ్ శర్మను తీసుకుంది. వెంకటేశ్ అయ్యర్ స్థానంలో ఈ 19ఏళ్ల స్పిన్నర్ మైదానంలోకి వచ్చాడు.
ఓపెనర్ రహమనుల్లా గుర్బాజ్(57), శార్దూల్ ఠాకూర్(68) అర్ధ శతకాలతో చెలరేగారు. రింకూ సింగ్(46) రాణించాడు. దాంతో, కోల్కతా 20 ఓవర్లలో ఏడు వికెట్ల నష్టానికి 204 రన్స్ చేసింది. మహమ్మద్ సిరాజ్ వేసిన ఆఖరి ఓవర్లో శార్దూల్ ఠాకూర్(68) ఔటయ్యాడు. మొదటి బంతికి నరైన్, ఐదో బంతికి ఉమేశ్ యాదవ్ ఫోర్ బాదారు. దాంతో 12 రన్స్ వచ్చాయి. ఆర్సీబీ బౌలర్లలో డెవిడ్ విల్లే, కరణ్ శర్మ రెండేసి వికెట్లు తీశారు. మైఖేల్ బ్రేస్వెల్, మహమ్మద్ సిరాజ్లకు తలా ఒక వికెట్ దక్కింది.
What a knock this by @imShard ⚡️⚡️
Brings up his maiden #TATAIPL FIFTY off just 20 deliveries.
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/AMB45hYohW
— IndianPremierLeague (@IPL) April 6, 2023
కోల్కతా ఆరో వికెట్ పడింది. రింకూ సింగ్ (46) హర్షల్ పటేల్ వేసిన 19వ ఓవర్లో ఔటయ్యాడు. కీపర్ దినేశ్ కార్తిక్ ఎగిరి క్యాచ్ అందుకోవడంతో అతను వెనుదిరిగాడు. అప్పటికి కేకేఆర్ స్కోర్. 196/6.
మహమ్మద్ సిరాజ్ 18వ ఓవర్లో శార్దూల్ ఠాకూర్(63) బౌండరీ కొట్టాడు. ఆ తర్వాత రింకూ సింగ్(30) నో బాల్ను సిక్స్ బాదాడు. దాంతో 15 రన్స్ వచ్చాయి. వీళ్లు ఆరో వికెట్కు 86 రన్స్ జోడించారు. 18 ఓవర్లకు కేకేఆర్ స్కోర్.. 175/5.
శార్దూల్ ఠాకూర్(51) అర్ధ శతకం బాదాడు. హర్షల్ పటేల్ బౌలింగ్లో ఫోర్ కొట్టి ఫిఫ్టీ పూర్తి చేసుకున్నాడు. 20 బంతుల్లోనే ఆరు ఫోర్లు, మూడు సిక్స్లతో అతను యాభై రన్స్ సాధించాడు. ఐపీఎల్లో శార్ధూల్కు ఇదే మొదటి హాఫ్ సెంచరీ కావడం విశేషం.
What a knock this by @imShard ⚡️⚡️
Brings up his maiden #TATAIPL FIFTY off just 20 deliveries.
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/AMB45hYohW
— IndianPremierLeague (@IPL) April 6, 2023
బ్రేస్వెల్ వేసిన 15వ ఓవర్లో శార్దూల్ ఠాకూర్(47) రెచ్చిపోయాడు. రెండు భారీ సిక్స్లు కొట్టాడు. ఆ తర్వాత డేవిడ్ విల్లే బౌలింగ్లో బౌండరీ కొట్టాడు. దాంతో, స్కోర్బోర్డు వేగం అందుకుంది. ఆరో వికెట్కు రింకూ సింగ్(21)తో కలిసి 58 రన్స్ జోడించాడు. 16 ఓవర్లకు కేకేఆర్ స్కోర్.. 147/5.
13 ఓవర్లు ముగిసే సరికి కోల్కతా నైట్రైడర్స్ ఐదు వికెట్ల నష్టానికి 106 పరుగులు చేసింది. శార్దూల్ 15 పరుగులు, రింకు 14 పరుగులతో క్రీజులో ఉన్నారు.
ఆర్సీబీతో జరుగుతున్న మ్యాచ్లో కేకేఆర్ జట్టు ఒకే ఓవర్లో రెండు వికెట్లను కోల్పోయింది. హాఫ్ సెంచరీతో జోరుమీదున్న గుర్బాజ్ (57-44బంతులు)ను బౌలింగ్లో క్యాచ్ ఇచ్చి అవుట్ అయ్యాడు. ఆ తర్వాత బ్యాటింగ్కు వచ్చిర రస్సేల్ను అద్భుతమైన బంతితో బోల్తా కొట్టించాడు. విరాట్కు క్యాచ్ ఇచ్చి డకౌట్ అయ్యాడు.
ఓపెనర్ రహమనుల్లా గుర్బాజ్(54) హాఫ్ సెంచరీ బాదాడు. కరన్ శర్మ బౌలింగ్లో సిక్స్ కొట్టి ఫిఫ్టీ పూర్తి చేసుకున్నాడు. 38 బంతుల్లో ఆరు ఫోర్లు, మూడు సిక్స్లతో అతను యాభై రన్స్ సాధించాడు. రింకూ సింగ్(5) క్రీజులో ఉన్నాడు. 10 ఓవర్లకు కేకేఆర్ స్కోర్.. 79/3.
FIFTY!
A well made half-century off 40 deliveries by Rahmanullah Gurbaz 👏👏
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/C54kp8RJlA
— IndianPremierLeague (@IPL) April 6, 2023
ఓపెనర్ రహమనుల్లా గుర్బాజ్(47) జోరు పెంచాడు. బ్రేస్వెల్ బౌలింగ్లో రెండో బంతిని లాంగాఫ్లో స్టాండ్స్లోకి పంపాడు. ఆ తర్వాత నాలుగో బంతికి ఫోర్ కొట్టాడు. దాంతో, 14 రన్స్ వచ్చాయి. రింకూ సింగ్(4) క్రీజులో ఉన్నాడు. 9 ఓవర్లకు కోల్కతా మూడు వికెట్ల నష్టానికి 71 రన్స్ చేసింది.
అహ్మద్ బౌలింగ్లో ఓపెనర్ రహమనుల్లా గుర్బాజ్(35) ఔటయ్యే ప్రమాదం తప్పించుకున్నాడు. అంపైర్ ఎల్బీగా ఔట్ ఇవ్వడంతో వెంటనే రివ్యూ తీసుకున్నాడు. కానీ, రివ్యూలో బంతి ముందుగా గ్లోవ్స్కు తాకడంతో బతికిపోయాడు. ఐదో బంతిని ఆఫ్ సైడ్ బౌండరీకి తరలించాడు. రింకూ సింగ్(2) క్రీజులో ఉన్నారు. 8 ఓవర్లకు కోల్కతా మూడు వికెట్ల నష్టానికి 58 రన్స్ చేసింది.
మైఖేల్ బ్రేస్వెల్ కీలక వికెట్ తీశాడు. తొలి బంతికే నితీశ్ రానా(1)ను ఔట్ చేశాడు. వికెట్ల వెనకాలే లేచిన బంతిని కీపర్ దినేశ్ కార్తిక్ చక్కగా అందుకున్నాడు. క్యాచ్ అప్పీల్ చేసినా అంపైర్ నాటౌట్ ఇవ్వడంతో ఆర్సీబీ రివ్యూ తీసుకుంది. రివ్యూలో బంతి గ్లోవ్స్కు తాకడంతో నితీశ్ వెనుదిరిగాడు. దాంతో, 47 రన్స్కే కోల్కతా మూడు కీలక వికెట్లు కోల్పోయింది. ఓపెనర్ రహమనుల్లా గుర్బాజ్(27), రింకూ సింగ్ క్రీజులో ఉన్నారు.
కోల్కతా పవర్ ప్లేలో రెండు వికెట్ల నష్టానికి 47 రన్స్ చేసింది. డెవిడ్ విల్లే వేసిన ఓవర్లో రహమనుల్లా గుర్బాజ్(27) బౌండరీ కొట్టాడు. దాంతో 4 రన్స్ వచ్చాయి. కెప్టెన్ నితీశ్ రానా(1) క్రీజులో ఉన్నాడు. 26 రన్స్కే రెండు వికెట్లు కోల్పోయిన కోల్కతాను వీళ్లు ఆదుకునే ప్రయత్నం చేస్తున్నారు.
కోల్కతా స్కోర్ బోర్డు వేగం అందుకుంది. ఆకాశ్ దీప్ వేసిన నో బాల్ను రహమనుల్లా గుర్బాజ్(22) సిక్సర్గా మలిచాడు. ఐదో బంతికి బైస్ రూపంలో 4 రన్స్ వచ్చాయి. కెప్టెన్ నితీశ్ రానా(0) క్రీజులో ఉన్నాడు. ఐదు ఓవర్లకు కేకేఆర్ స్కోర్.. 41/2
డెవిడ్ విల్లే వరుసగా రెండు బంతుల్లో రెండు వికెట్లు తీశాడు. నాలుగో ఓవర్ రెండో బంతికి నుంచి తడబడుతున్న ఓపెనర్ వెంకటేశ్ అయ్యర్ (3)ను విల్లే బౌల్డ్ చేశాడు. ఆ తర్వాత వచ్చి మన్దీప్ సింగ్ కూడా డిఫెన్స్ ఆడబోయి బౌల్డ్ అయ్యాడు. దాంతో, విల్లే హ్యాట్రిక్పై నిలిచాడు. కానీ, నితీశ్ రానా బంతిని డిఫెండ్ చేయడంతో విల్లే హ్యాట్రిక్ మిస్ అయ్యాడు.
Two in Two by David Willey!
A double wicket maiden by @david_willey 🔥🔥
Venkatesh Iyer and Mandeep Singh depart.
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/FjuJoHWzLH
— IndianPremierLeague (@IPL) April 6, 2023
మహమ్మద్ సిరాజ్ వేసిన మూడో ఓవర్లో హ్యాట్రిక్ బౌండరీలు వచ్చాయి. ఓపెనర్ రహమనుల్లా గుర్బాజ్(13) రెండో బంతిని కవర్స్ దిశగా ఫోర్ కొట్టాడు. ఆ తర్వాత బంతికి 4 రన్స్ వచ్చాయి. నాలుగో బంతికి గుర్బాజ్ బౌండరీ బాదాడు. దాంతో, 9 రన్స్ వచ్చాయి. లెగ్ బై రూపంలో బౌండరీ వచ్చింది. వెంకటేశ్ అయ్యర్ (3) క్రీజులో ఉన్నాడు. మూడు ఓవర్లకు కేకేఆర్ స్కోర్.. 26/0
మహమ్మద్ సిరాజ్ వేసిన మొదటి ఓవర్లో 9 రన్స్ వచ్చాయి. లెగ్ బై రూపంలో బౌండరీ వచ్చింది. ఓపెనర్ రహమనుల్లా గుర్బాజ్(4) ఐదో బంతికి ఫోర్ కొట్టాడు. వెంకటేశ్ అయ్యర్ (0) క్రీజులో ఉన్నాడు.
ఆర్సీబీ సబ్స్టిట్యూట్స్ : ఫిన్ అలెన్, సోనూ యాదవ్, మహిపాల్ లోమ్రోర్, సుయాశ్ ప్రభుదేశాయి, అనుజ్ రావత్.
కేకేఆర్ సబ్స్టిట్యూట్స్ : సుయాశ్ శర్మ, అనుకుల్ రాయ్, వైభవ్ అరోరా, ఎన్ జగదీశన్, డేవిడ్ వీసే.
కోల్కతా నైట్ రైడర్స్ ఆల్రౌండర్ సునీల్ నరైన్ మరో ఘనతకు చేరువయ్యాడు. ఇది అతడికి 150వ ఐపీఎల్ మ్యాచ్. దాంతో, ఎక్కువ ఐపీఎల్ మ్యాచ్లు ఆడిన నాలుగో విదేశీ క్రికెటర్గా అతను గుర్తింపు సాధించాడు. ఈ జాబితాలో విండీస్ ఆల్రౌండర్, ముంబై ఇండియన్స్ మాజీ ప్లేయర్ కీరన్ పోలార్డ్ అందరికంటే ముందున్నాడు. అతను అత్యధికంగా 189 మ్యాచ్లు ఆడాడు. ఏబీ డివిల్లియర్స్ 184 మ్యాచ్లతో రెండో స్థానంలో, డేవిడ్ వార్నర్ 164 మ్యాచ్లతో మూడో స్థానంలో ఉన్నారు.
రాయల్ చాలెంజర్స్ బెంగళూరు, కోల్కతా నైట్ రైడర్స్ ఒక్కో మార్పుతో బరిలోకి దిగుతున్నాయి. కేకేఆర్ జట్టు అనుకుల్ స్థానంలో సుయాశ్ శర్మను తీసుకుంది. 19 ఏళ్ల ఈ లెగ్ స్పిన్నర్ ఈ మ్యాచ్తో ఐపీఎల్లో ఆరంగేట్రం చేయనున్నాడు. తొలి మ్యాచ్లో ఫీల్డింగ్ చేస్తూ గాయపడిన టోప్లే ప్లేస్లో ఆర్సీబీ టీమ్ డేవిడ్ విల్లేకు చోటు కల్పించింది.
A look at the Playing XI for #KKRvRCB
Live - https://t.co/V0OS7tFZTB #TATAIPL #KKRvRCB #IPL2023 pic.twitter.com/SN3tP3EC5e
— IndianPremierLeague (@IPL) April 6, 2023
ఐపీఎల్ 16వ సీజన్ 9వ మ్యాచ్లో రాయల్ చాలెంజర్స్ బెంగళూరు టాస్ గెలిచింది. కెప్టెన్ ఫాఫ్ డూప్లెసిస్ మొదట బౌలింగ్ తీసుకున్నాడు. దాంతో, కోల్కతా నైట్ రైడర్స్ ఫస్ట్ బ్యాటింగ్ చేయనుంది.