Lightning Kills Footballer: ఆట ఏదైనా సరే అప్పుడప్పుడు మైదానంలో చిన్న చిన్న ప్రమాదాలు జరుగుతుండడం చూసుంటాం. కానీ, ఇది మాత్రం కనీవినీ ఎరుగని విషాదం. మైదానంలో పిడుగు(Lightning) పడి ఓ ఫుట్బాలర్(Footballer) ప్రాణాలు కోల్పోయాడు. హృదయ విదారకమైన ఈ సంఘటన ఇండోనేషియా(Indonasia)లో జరిగింది. స్టేడియంలో ఓ ఫుట్బాల్ మ్యాచ్ జరుగుతుండగా ఒక ఆటగాడిపై పిడుగు పడింది.
దాంతో, అతడు అక్కడికక్కడే మృతి చెందాడు. అప్పటిదాకా మైదానంలో చురకుగా కదిలిన ఆ ఫుట్బాలర్ క్షణాల్లోనే కన్నుమూయడం చూసి సహచరులంతా కన్నీటి సంద్రంలో మునిగిపోయారు. ఆ ప్రమాదానికి సంబంధించిన వీడియో ఆన్లైన్లో వైరల్ అవుతోంది.
This happened during a football match in Indonesia 🇮🇩 pic.twitter.com/JHdzafaUpV
— Githii (@githii) February 11, 2024
ఆదివారం ఎఫ్బీఐ సబంగ్(FBI Sabung), బాండుంగ్ ఫుట్బాల్(Bandung FC) క్లబ్ జట్ల మధ్య ఫ్రెండ్లీ మ్యాచ్ జరిగింది. గోల్ కొట్టేందుకు ఇరుజట్ల ఆటగాళ్లు పోటాపోటీగా తలపడుతుండగా.. మైదానంలో ఉన్న సబంగ్ ఆటగాడిపై పిడుగు పడింది. ఆ శబ్దం విని అందూరూ మైదానంలోనూ పడుకుండిపోయారు. కాసేపటికి అందరూ లేచారు. కానీ, అతడు మాత్రం అచేతనంగా పడిఉన్నాడు. వెంటనే స్టేడియంలోని సిబ్బంది అతడిని సమీపంలోని ఆస్పత్రికి తరలించారు. కానీ, అప్పటికే ఆ ఫుట్బాలర్ ప్రాణాలు విడిచినట్టు డాక్టర్లు తెలిపారు.