Asian Olympic Qualifiers | పేలిన టాప్ గ‌న్స్.. 10 మీట‌ర్ల ఎయిర్ పిస్ట‌ల్‌లో భార‌త షూట‌ర్లకు గోల్డ్ మెడ‌ల్

Asian Olympic Qualifiers : ఆసియా క్రీడ‌ల్లో స్వ‌ర్ణ ప‌త‌కంతో మెరిసిన భార‌త షూట‌ర్లు ఆసియా ఒలింపిక్ క్వాలిఫ‌య‌ర్స్‌(Asian Olympic Qualifiers)లోనూ అద‌ర‌గొట్టారు. భార‌త పురుషుల 10 మీట‌ర్ల ఎయిర్ పిస్ట‌ల్ టీమ్ విభాగంలో వ‌రుణ్ తోమ‌ర్(Varun Tomar), అర్జున్ సింగ్ చీమా...

Asian Olympic Qualifiers : ఆసియా క్రీడ‌ల్లో స్వ‌ర్ణ ప‌త‌కంతో మెరిసిన భార‌త షూట‌ర్లు ఆసియా ఒలింపిక్ క్వాలిఫ‌య‌ర్స్‌(Asian Olympic Qualifiers)లోనూ అద‌ర‌గొట్టారు. భార‌త పురుషుల 10 మీట‌ర్ల ఎయిర్ పిస్ట‌ల్ టీమ్ విభాగంలో వ‌రుణ్ తోమ‌ర్(Varun Tomar), అర్జున్ సింగ్ చీమా(Arjun Singh Cheema), ఉజ్వ‌ల్ మాలిక్ (Ujwal Malik) బృందం ప‌సిడి ప‌త‌కం కొల్ల‌గొట్టింది.

జ‌క‌ర్తాలో సోమ‌వారం జ‌రిగిన ఫైన‌ల్లో వ‌రుణ్ (586), అర్జున్(579), ఉజ్వ‌ల్‌ (575)లు 1,740 పాయింట్లు సాధించి అగ్రస్థానంలో నిలిచారు. భార‌త షూట‌ర్ల దెబ్బ‌కు రెండు, మూడు స్థానాలకే ప‌రిమిత‌మైన‌ ఇరాన్, కొరియా షూట‌ర్లు వెండి, కాంస్య ప‌త‌కాల‌తో సరిపెట్టుకున్నారు. మ‌రోవిష‌యం ఏంటంటే.. వ్య‌క్తిగ‌త విభాగంలో వ‌రుణ్, అర్జున్‌లు ఫైన‌ల్ చేరుకొని ప‌త‌కం ఖాయం చేశారు.

India’s #VarunTomar has won gold
🥇 & India’s 14th @Paris2024 quota place, winning the 10m Air Pistol Men at the #AsianOlympicQualification event in Jakarta. The 20-year old shot 239.6 in the final, leading an Indian 1-2 as Arjun Cheema came second. Brilliant!#IndianShooting pic.twitter.com/uIJ6M3jrIH

— NRAI (@OfficialNRAI) January 8, 2024

ఈ ఏడాది ప్యారిస్ వేదిక‌గా ప్ర‌తిష్ఠాత్మ‌క ఒలింపిక్స్ పోటీలు జ‌రుగ‌నున్నాయి. ఇప్ప‌టివ‌ర‌కూ భార‌త షూట‌ర్లు ఈ విశ్వ క్రీడ‌ల్లో13 బెర్తులు ద‌క్కించుకున్నారు. అయితే.. ఆసియా షూట‌ర్ల‌కు ఇంకా 16 బెర్తులు ఖాళీగా ఉన్నాయి. అందులోనూ 10 మీట‌ర్ల ఎయిర్‌పిస్ట‌ల్ విభాగంలో పురుషులు, మ‌హిళ‌ల‌కు నాలుగేసి బెర్తులు ఉన్నాయంతే. చైనా గ‌డ్డ‌పై జ‌రిగిన 19వ‌ ఆసియా క్రీడ‌ల్లో గోల్డ్ మెడ‌ల్‌తో రికార్డులు నెల‌కొల్పిన‌ స్టార్ షూట‌ర్లు ఈషా సింగ్, రిథ‌మ్ సాంగ్వ‌న్, సుర‌భి రావులు ప్యారిస్ ఒలింపిక్స్‌పై ఆశ‌లు రేపుతున్నారు.

ఇవి కూడా చ‌ద‌వండి

• Deepti Sharma | టీ20ల్లో అరుదైన ఫీట్.. తొలి భార‌త క్రికెట‌ర్‌గా రికార్డు సృష్టించిన దీప్తి
• Chiranjeevi | రామాలయం ప్రారంభోత్సవానికి ఆహ్వానం అందింది.. కుటుంబ సభ్యులతో కలిసి వెళ్తా : చిరంజీవి
• Tamil Nadu | తమిళనాడులో కుండపోతగా వర్షం.. జలమయమైన చెన్నై