గ్రూప్‌-సీలో భారత్‌.. ఏఎఫ్‌సీ మహిళల ఆసియా కప్‌

ఆసియా ఫుట్‌బాల్‌ సమాఖ్య (ఏఎఫ్‌సీ) ఆధ్వర్యంలో జరిగే ఏఎఫ్‌సీ మహిళల ఆసియా కప్‌ టోర్నీ చరిత్రలో తొలిసారిగా బెర్తును ఖాయం చేసుకున్న భారత మహిళల ఫుట్‌బాల్‌ జట్టు.. వచ్చే ఏడాది జరుగబోయే 2026 ఉమెన్స్‌ ఏఎఫ్‌సీ ఆసియా కప్‌ పోటీల్లో గ్రూప్‌-సీలో నిలిచింది.

సిడ్నీ: ఆసియా ఫుట్‌బాల్‌ సమాఖ్య (ఏఎఫ్‌సీ) ఆధ్వర్యంలో జరిగే ఏఎఫ్‌సీ మహిళల ఆసియా కప్‌ టోర్నీ చరిత్రలో తొలిసారిగా బెర్తును ఖాయం చేసుకున్న భారత మహిళల ఫుట్‌బాల్‌ జట్టు.. వచ్చే ఏడాది జరుగబోయే 2026 ఉమెన్స్‌ ఏఎఫ్‌సీ ఆసియా కప్‌ పోటీల్లో గ్రూప్‌-సీలో నిలిచింది. సిడ్నీలోని టౌన్‌ హాల్‌లో నిర్వహించిన డ్రా కార్యక్రమంలో భారత్‌.. జపాన్‌, వియత్నాం, చైనీస్‌ తైఫీతో కలిసి గ్రూప్‌-సీలో ఉంది. 12 జట్లు ఈ టోర్నీలో పాల్గొననున్నాయి.

ఫిఫా ర్యాంకుల ఆధారంగా జట్లకు సీడింగ్‌ ఇవ్వగా.. గ్రూప్‌-సీలో జపాన్‌ (7వ స్థానం), వియత్నాం (37), చైనీస్‌ తైఫీ (42), భారత్‌ (70) కంటే మెరుగైన స్థితిలో ఉన్నాయి. జూలై 19 నుంచి 23 దాకా నిర్వహించిన క్వాలిఫయర్స్‌లో తమకంటే మెరుగైన ర్యాంకు కల్గిన థాయ్‌లాండ్‌ను ఓడించడంతో భారత్‌కు ఈ టోర్నీకి అర్హత సాధించింది. గత ఎడిషన్‌ భారత్‌లోనే నిర్వహించగా.. ఆతిథ్య దేశం కావడంతో అప్పుడు మన జట్టు ఆ కోటాలో ఈ టోర్నీలో పాల్గొంది.