TeamIndia | టీమ్‌ఇండియా అరుదైన ఘనత.. వన్డే క్రికెట్ చరిత్రలోనే తొలి జట్టుగా రికార్డు

TeamIndia | ఐసీసీ వన్డే ప్రపంచకప్‌ ఆరంభానికి ముందు టీమ్‌ఇండియా (TeamIndia) దుమ్మురేపుతోంది. ఇటీవలే ఆసియాకప్‌ను చేజిక్కించుకున్న భారత్‌.. తాజాగా వన్డే సిరీస్‌లో ఆస్ట్రేలియా (Australia )ను చిత్తు చేసింది. ఒక మ్యాచ్‌ మిగిలుండగానే 2-0 తేడాతో సిరీస్‌ను కైవసం చేసుకుంది. ఈ క్రమంలో టీమ్‌ఇండియా మరో అరుదైన ఘనత సాధించింది.

TeamIndia | ఐసీసీ వన్డే ప్రపంచకప్‌ ఆరంభానికి ముందు టీమ్‌ఇండియా (TeamIndia) దుమ్మురేపుతోంది. ఇటీవలే ఆసియాకప్‌ను చేజిక్కించుకున్న భారత్‌.. తాజాగా వన్డే సిరీస్‌లో ఆస్ట్రేలియా (Australia )ను చిత్తు చేసింది. ఒక మ్యాచ్‌ మిగిలుండగానే 2-0 తేడాతో సిరీస్‌ను కైవసం చేసుకుంది. ఆదివారం హోల్కర్ స్టేడియంలో జరిగిన రెండో వన్డే మ్యాచ్‌ ( second ODI)లో టీమ్‌ ఇండియా 399 పరుగులు చేసి ఆసీస్‌పై విజయం సాధించింది. ఈ క్రమంలో టీమ్‌ఇండియా మరో అరుదైన ఘనత సాధించింది. వన్డే క్రికెట్‌ చరిత్ర (ODI Cricket History)లో 3000కిపైగా సిక్స్‌లు బాదిన తొలి జట్టుగా అవతరించింది.

కాగా, మూడు వన్డే మ్యాచ్‌ సిరీస్‌లలో భాగంగా ఆదివారం జరిగిన మ్యాచ్‌లో టాస్ ఓడి మొదట బ్యాటింగ్‌కు దిగిన భారత్ 50 ఓవర్లలో 5 వికెట్ల నష్టానికి 399 పరుగులు చేసింది. యువ ఓపెనర్ శుభ్ గిల్ (97 బంతుల్లో 104; 6 ఫోర్లు, 4 సిక్సర్లు), శ్రేయస్ అయ్యర్ (90 బంతుల్లో 105; 11 ఫోర్లు, 3 సిక్సర్లు) సెంచరీలతో విశ్వరూపం చూపారు. అనంతరం వర్షం కారణంగా ఆస్ట్రేలియా లక్ష్యాన్ని 33 ఓవర్లలో 317గా నిర్ణయించగా.. కంగారూలు 28.2 ఓవర్లలో 217 పరుగులకు ఆలౌటయ్యారు. దీంతో మరో మ్యాచ్‌ ఉండగానే టీమ్‌ఇండియా 2-0 తేడాతో సిరీస్‌ను కైవసం చేసుకుంది. ఇక భారత బ్యాటర్లు మొత్తం 18 సిక్స్‌లు, 30 ఫోర్లు బాదారు. ఇక ఇరు జట్ల మధ్య నామమాత్రమైన మూడో వన్డే బుధవారం జరుగనుంది.

• వన్డేల్లో ఆస్ట్రేలియాపై భారత్ ఇదే (399/5) అత్యధిక స్కోరు. 2013లో చేసిన 383/6 స్కోరు రెండో స్థానానికి చేరింది.
• ఆసీస్ వేగవంతమైన (24 బంతుల్లో) అర్ధశతకం సాధించిన భారత ప్లేయర్ సూర్యకుమార్ రికార్డుల్లోకెక్కాడు. కోహ్లీ (27 బంతుల్లో) రెండో స్థానంలో ఉన్నాడు.
• వన్డేల్లో తొలి 35 ఇన్నింగ్స్ అత్యధిక (1917) పరుగులు చేసిన బ్యాటర్‌గా శుభ్ గిల్ నిలిచాడు. దక్షిణాఫ్రికా మాజీ బ్యాటర్ హషీమ్ ఆమ్లా (1844) రికార్డును గిల్ తుడిచిపెట్టాడు.
• అంతర్జాతీయ క్రికెట్ ఆస్ట్రేలియాపై ఒకే ఓవర్లో అత్యధిక(4) సిక్సర్లు కొట్టిన బ్యాటర్ సూర్యకుమార్ నిలిచాడు.

Also Read..

ఆసీస్ ను ఆడుకున్నారు

ICC World Cup | తొలి మూడు ప్రపంచకప్‌లలో పెద్దగా ప్రభావం చూపని ఆస్ట్రేలియా.. మరి ఐదుసార్లు విశ్వవిజేతగా ఎలా నిలిచింది?

Asian Games | రోయింగ్‌లో భారత్‌కు నాలుగో పతకం.. పురుషుల ఫోర్‌ ఈవెంట్‌లో కాంస్యం